علي أوحافي
على خلفية حادث اعتداء محسوبين على فصيل “البرنامج المرحلي” على الفتاة شيماء، العاملة في مقصف كلية العلوم في مكناس، قال لحسن الداودي، وزير التعليم العالي والبحث العلمي وتكوين الأطر، إن المتسببين فيه “تقف وراءهم تيارات معروفة وتمولهم جهات معروفة”.
وأضاف الداودي: “هادو شباب مشاو ضحايا لهادوك اللي رباوهوم، هادو ضحية، راه هادو ولادنا، وهوما يستعملون من قبل بعض التيارات، بحال هادك اللي يالاه خرج من الحبس، وجاو استقبلوه مدججين بالسيوف ومعاهوم زعيم سياسي زعما، ودخلو للجامعة”، في إشارة إلى الاستقبال الذي خصصه عدد من النشطاء الأمازيغ، رفقة الأمين العام للحزب الديمقراطي الأمازيغي المنحل، للمعتقل السابق مصطفى أوسايا.
وبنبرة غاضبة، قال وزير التعليم العالي والبحث العلمي وتكوين الأطر، خلال جلسة مجلس النواب، اليوم الثلاثاء (24 ماي)، “نحن كلنا متعاطفون مع هذه الشابة، والسلطة قبضات على الناس وكاين اللي ماشي طلبة”، مردفا: “هادو شكون اللي رباهوم، راه خاص ندينو التيارات اللي وراهم، والناس اللي كيدافعو على حقوق الإنسان دير لجنة تقصي الحقائق”.
وأشار الوزير إلى أن الأمن عندما يعتقل المشتبه فيهم تفرج عنهم المحكمة، بدعوى عدم توفر الأدلة، رافضا تحميل مسؤولية أحداث العنف في الجامعة إلى أطر الجامعة والعاملين فيها.
واسترسل الداودي، مخاطبا النواب: “نتوما مسؤولين تطورو القوانين باش يوليو هاد الناس يتحاسبو، راه الجامعة علمو الأمن وهوما ما قدروش أنهم يدخلو في ديك الساعة”.
وعاد المسؤول الحكومي ليؤكد أن “هناك تيارات معروفة في الساحة هي من يقف وراء ممارسي العنف في الجامعات”.
عبارة لم ترق أحد النواب البرلمانين الذي قاطع الوزير، ليرد عليه الداودي بالقول: “أمولاي سكت خليني نتكلم ما عندكش الحق تتكلم”.
وتساءل الوزير: “شكون اللي رباهوم على هاد الشي؟ واش تولدو متطرفين؟ راه شي وحدين كيحميوهوم، وشي وحدين كيمولهوم، نتوما اللي كتشرعو القانون، آشمن قانون غادي نطبقو في هاد الشي، ديرو لجنة تقصي الحقائق وسيرو لمكناس ماشي غير نهضرو في المجلس”.
وختم وزير التعليم العالي والبحث العلمي وتكوين الأطر حديثه عن حادثة كلية العلوم في مكناس بمطالبة النواب البرلمانين بتشكيل لجنة لتقصي الحقائق، “وهاد الحدث ديال مكناس خاصكم تعرفو شكون وراه.. هناك مجموعة صغيرة معروفة في الساحة ولكن القضاء ما عندوش الحجة، كيشدهوم البوليس وكيطلقوهوم”، يقول الداودي.
