الخدمة العسكرية دايرة حالة على مواقع التواصل الاجتماعي، بعد أقل من 24 ساعة على المصادقة على مشروع القانون، والأكثر جدلا هو الجنس اللطيف.
رائدات مواقع التواصل الاجتماعي بداو كيسولو شنو هي الطريقة للتملص من الخدمة العسكرية، خاصة أنه في الساعات الأولى كان أغلبهن شادين في الذكور بعبارات ساخرة وصور ولكن كلمة واحدة في النص القانوني، واللي هي “المواطنات”، قلبت جميع الموازين.
وفي هذا الصدد، قالت إحدى المعلقات: “ياك كيقولو العسكر للرجال وحنا مالنا؟ حنا غوليات”. وقالت أخرى: “كيقولو اللي ما كتقراش وما خداماش، حنا عائلتنا كتخرج لبنات من المدرسة في السادس ابتدائي وممنوع حتى الخروج من الدار، يعني شنو ذنبي؟”.
ولم يسلم هذا الموضوع من السخرية، حيث قالت إحداهن: “أنا الموس كنضرب بيه صبعي بقى ليا غير السلاح”. وقالت أخرى: “سمعت المتزوجات لا، واش زعما بطريقة غير مباشرة بغاونا نتزوجو؟!”.
ومن جهة أخرى، شككت بعض الناشطات في صحة الخبر قائلات: “النص القانوني ما جاش بتفصيل وكاينة كلمة واحد تما، شكون يأكد لينا راه بصاح حتى لبنات!! “.
