• متورطان في جرائم خيانة الأمانة والاتجار بالبشر.. توقيف شقيقين نصبا على نساء راغبات في الحصول على “ڤيزا شينغن”
  • السعدي: ابن كيران أصبح يسيء لنفسه وحزبه عبر تصريحاته
  • الرباط.. الأميرة للا أسماء تترأس حفل نهاية السنة الدراسية 2024-2025 لمؤسسة للا أسماء
  • اللي بغى يربح العام طويل.. زياش مصيف في مراكش مع أكرد
  • اليوم العالمي لمكافحة عمل الأطفال.. عصبة حقوقية تطالب بضع خطة وطنية استعجالية للقضاء على تشغيل الأطفال
عاجل
الأربعاء 16 سبتمبر 2020 على الساعة 17:00

الجعواني يحكي تجربته مع كورونا: ما كانوش فيا الأعراض… وهاد الفيروس خطير خاصنا نديرو اليد فاليد باش نتغلبو عليه

الجعواني يحكي تجربته مع كورونا: ما كانوش فيا الأعراض… وهاد الفيروس خطير خاصنا نديرو اليد فاليد باش نتغلبو عليه

تحدث منير الجعواني، المدرب السابق لفريق المغرب الفاسي، عن تجربته مع فيروس كورونا المستجد.

وقال منير الجعواني، في تصريح لموقع “كيفاش”، إن “فيروس كورونا هو فيروس خطير حيت شي حاجة خفية وهاد الفيروس حنا اللي كنمشيو عندو ما شي هو اللي كيجي عندنا هاد الشي علاش السلطات كيطلبو منا نبقاو فدارنا”.

وأضاف الجعواني “أنا ما عرفتش منين جاني الفيروس وفالحجر الصحي الأول تقريبا 3 شهور ما خرجت من الدار فاش بدينا التداريب ودرنا معسكر مع الفريق تما فين عرفت راسي مريض ولكن منين تعاديت ما عرفتش”.

وتابع المدرب الأسبق لفريق نهضة بركان “أنا ما حسيت بحتى شي أعراض وحتى فاش جابوا التحاليل كنت فوسط التداريب حتى جاو عندي الأطباء قالو ليا را فيك كورونا التحاليل طلعو إيجابيين”.

وواصل الجعواني حديثه عن قصته مع فيروس كورونا “دوزت فترة العلاج فمستشفى سيدي سعيد فمكناس الحمد لله تهلاو فينا وكانت العناية والنظافة والدوا والرديوهات وماشي غير حنا حتى الناس اللي كانو معانا… دوزت 5 أيام وخرجت”.

وختم الجعواني حديثه “انا كنقول للمغاربة كاملين حاولو ما أمكن تردو البال لراسكم ولوليداتكم ولعائلاتكم… دابا أنا واخا الأطباء قالو ليا انت دابا بحال يلا دوزتي بوحمرون ما بقاش غيرجع ليك ولكن واخا هكاك كنبعد من الناس وما بقيتش كنسلم وديما داير الكمامة وحتى يلا بغى يسلم عليا شي حد كنقول ليه سمح ليا را أنا اللي غنعاديك ماشي انت… ونتمناو ان شاء الله من الله يحبس علينا هاد الوباء وحنا كمغاربة نديرو اليد فاليد وحنا نتغلبو على هاد الفيروس”.