عبر البرلماني عن حزب العدالة والتنمية، والوزير السابق إدريس الأزمي الإدريسي، عن رفضه لحملة مقاطعة المنتوجات الفرنسية، مؤكدا في المقابل أن الاساءة إلى الرسول “ما حرية تعبير ما حتى وزة”.
وقال الأزمي، خلال استضافته في حلقة برنامج “بدون لغة خشب”، على إذاعة “ميد راديو”، اليوم الجمعة (30 أكتوبر)، “أنا ما متافقش، لأن هاديك دولة وشريك استراتيجي وعندنا معاها شراكة”.
وأشار البرلماني عن حزب المصباح إلى أن مقاربة الدولة الفرنسية للدين الإسلامي “خاطئة”، قائلا: “المقاربة ديالهم فيما يتعلق بالدين الإسلامي وفيما يتعلق بشخص الرسول خاطئة وغير منتجة”.
وتابع الوزير السابق: “أنا ماشي مع المقاطعة، ولكن يتحملو التبيعات ديالهم، واللي دارها بإيديه يفكها بسنيه”.
وعن ما راج حول “معارضة البيجيدي لوضع أي مشروع قانون يحد من تواجد الشركات التركية في الأسواق المغربية”، أكد الأزمي أن هذا الأمر غير صحيح.
وقال المتحدث: “هاد الشي غير صحيح، أنا اللي جاوبت الوزير مولاي حفيظ، وقلت ليه من غير المعقول أن المغرب كان دائما قويا وشامخا في موقفه، وما كيدخلش فالتضييق، يلا غندخلو فالورادات راه خاص نشوفو كلشي راه كاين الصين ودول أخرى”.
وأضاف: “حنا مصلحة البلاد هي الأساسية ويلا غتدير القيود الجمركية راه ليست حلا… قلت ليه خاصنا ندعمو المقاولات الوطنية وخاصة النسيج، اللي قضى عليه الريع العقاري، آش داني أنا لتركيا؟ أنا مغربي وطني قح”.
