الخوت ديال الأحزاب والخوت المسؤولين الكبار والخوت الفاعلين الاقتصاديين وداك الشي… بغيت نقوليكم شي حاجة وما ديروهاش مني قلة الصواب…
راه الدور ديالكم دابا ماشي هو التصفيق والتنويه والتبنديق وداك الشي ديال الرؤية المتبصرة والحكمة والقرار التاريخي… دابا ماشي وقت الهضرة… دابا عرّيو على ذراعكم وأراك للخدمة… مفهوم؟؟ عرّيو على ذراعكم وبداو تخدمو… الهضرة خلّيوها لينا هنا فالفايس بوك… الهضرة راه ما تشري خضرة ما دّير نموذج تنموي جديد… يالاه بيّنو حنّة يديكم… التشخيص كاين والخطة كاينة (اللي ما قادرش يعطي احسن منها يزمّ فمّو)، ودابا يلا كاين شي لعّابة يبانو، ولا السوفل والو؟؟
