عبد الإله ابن كيران، الأمين العام لحزب العدالة والتنمية، ما حاملش يهضر في موضوع “الولاية الثالثة”. كيفاش؟
ابن كيران الأمين رفض الحديث عن إمكانية انتخابه لولاية ثلاثة على رأس حزب المصباح، قائلا: “أنا هاد الموضوع ما غنهضرش فيه، لأنه أولا حنا ما كنرشحوش نفوسنا، واش بغيتي نبدا نتكلم بالغيب؟ هذا من جهة، ومن جهة ثانية قلت ليكم داك النهار أنا المرحلة ديالي انتهت مادام انتهت قانونيا”.
وأضاف ابن كيران، في تصريح صحافي عقب اجتماع الأمانة العامة للحزب، اليوم الخميس (13 يوليوز)، “أنا قلت ليكم انتهت إلا إذا وقع شيء ما عرفينوش دابا… شي حاجة كتبان غير عادية وغير طبيعية الآن، هاديك الساعة هضرة أخرى، ولكن أنا في جميع الأحوال ما غندخلش في هاد الموضوع، أما من الناحية القانونية وحنا حزب كيحتارم القانون المرحلة انتهت يعني انتهت”.
وتابع ابن كيران: “كان خاصني نمشي فحالي في 2016، كانو الانتخابات وقالو لي الإخوان لا زيد معنا عام، زدت عام جاب الله التيسير، دوزنا الانتخابات بسلام خاصني نمشي فحالاتي… إلا يلا كانت شي حاجة غيضطرو ليها الاخوان، أما أنا عبد الإله ابن كيران ما عندي حتى طلب، وما كنطلب من حتى شي واحد، وحتى شي أخ، ومن حتى شي أخت، ومن حتى شي واحد فوق هاد الكرة الأرضية، شي حاجة، كنطلب من الله الرحمة والمغفرة وياخد بيديا فيما تبقى”.
