علق محمد أوزين، النائب البرلماني عن حزب الحركة الشعبية، على تصريحات هشام المهاجري، النائب عن حزب الأصالة والمعاصرة، أحد مكونات الائتلاف الحكومي، المنتقدة لأداء المعارضة في البرلمان، مبرزا أن “بعض برلمانيي الأغلبية يحاولون تحوير النقاش بتقييم أداء المعارضة”.
انقلاب في الموازين
واعتبر أوزين، في تصريح لموقع “كيفاش”، أنه في الوقت الذي تسمح فيه الأغلبية لنفسها بتقييم أداء المعارضة، في محاولة للهروب إلى الأمام، تقدمت المعارضة البرلمانية بأزيد من 100 مقترح قانون لم تتفاعل معه الحكومة نهائيا، وتابع قائلا: “من المضحك أن الأغلبية البرلمانية اليوم عوض أنها تقترح حلول لأنها هي اللي صوتو عليها المغاربة وكيتسناوها شنو غادي دير ليهم، نساو الأمانة اللي عندهم وكيديرو التقييم للمعارضة”.
وتابع النائب البرلماني، في السياق ذاته:”كنتمنى شي نهار نشوف البرلمان مقلوب بالاغلبية كدافع على الشعب لحدود الساعة ما شفنا والو كنشوفو القاعة مقلوبة إما دفاعا عن التصفيق باش يصفقو على راسهم، إما دفاعا على الحكومة، وإما مهاجمة المعارضة”.
ولفت النائب عن حزب الحركة الشعبية، أن توجيه الانتقادات للمعارضة لا يدخل في اختصاصاتها التي نص عليها المشرع، مردفا بالقول: “ما يمكنش اليوم تجي الأغلبية البرلمانية باش تنتاقد المعارضة، راه ماشي هدا هو الدور ديالها راه واقيلا تقلبات الموازين عندهم، وباغيين يديرو عرف جديد”.
انتقاد بدافع حزبي
وعن خرجات بعض البرلمانيين في مواقع التواصل الاجتماعي المنتقدة لتدبير برنامج “فرصة” الحكومي، اعتبر أوزين أن الدافع لذلك بالنسبة لهم هو حزبي محض، مسترسلا: “ما عمرنا شفنا انتقاد حقيقي للأغلبية البرلمانية للبرامج الحكومية”.
وقال المتحدث: “خاصهم ينوضو يديرو تقييم للسياسات ديالهم، ما يتزايدوش علينا إلا عندهم شي حلول يجيبوها ما يبقاوش يتخباو بالمعارضة أو يديرو عرف ما كاينش الشيء اللي كيزيد يدل على الفشل ديالهم”.
إقرأ أيضا: المهاجري لـ”كيفاش”: كون المعارضة دارت خدمتها ما نهضروش حنا… مقابلين غير أخنوش كيبيع المازوط
وكان البرلماني عن حزب الأصالة والمعاصرة، هشام المهاجري، قد انتقد أداء المعارضة في البرلمان، قائلا: ” المعارضة كون دارت خدمتها كاعما غادي نهضرو حنا… مقابلين غير ثمن المحروقات ورئيس الحكومة كيبيع المازوط”.
واعتبر المهاجري، في تصريح سابق لموقع “كيفاش”، أن “المعارضة لم تأت بأي فكرة أو انتقاد للبرامج الحكومية”، مردفا: “واش عمرنا سمعنا شي فكرة أو انتقاد جات بيه المعارضة باستثناء عزيز أخنوش كيبيع المازوط… المعارضة اليوم تخصصات في أسعار المحروقات وعزيز أخنوش ماشي فالحكومة”.
