محمد المبارك
مشاهير الفايس بوك والناس اللي دايربن البوز على مواقع التواصل الاجتماعي بحال يلا اتفقوا هاد الأيام، وكلهم تلاحو لمجال الغناء ولاحو أغاني ديالهم.
من بعد آدم لحلو اللي كان خرج ألبوم كامل وحطو فاليوتوب، كيقول من كلماتو وألحانو قبل بضع سنوات، جات لبنى أبيضار اللي دارت أغنية بفيديو كليب مصور في الصحراء واللباس السوسي، سماتو “بيلا حنونة”، إلى ندى حاسي، الفتاة التي أثارت الجدل بصورها وجسدها الجميل واللي عندها حساب على الفايس بوك يتجاوز عدد متابعيه 100 ألف و500 ألف على إنستغرام، حتى هي خرجات أغنية بعنوان “دار فيا حالة”.
صهيب، مول قضية أصغر كوبل في المغرب، حتى هو ما بغاش يخرج من الجماعة، ولاح فيديو على إنستغرام كيدير فيه كورال، وقال لموقع “كيفاش” أنه غادي يبدا يغني ويخرج أغاني.
الواحد هو الاي يستغل الشهرة ديالو، حيث ضروري الناس يتابعو الجديد ديالو بغض النظر عن جودة المنتوج.
