محمد محلا
عزيز أخنوش، رئيس حزب التجمع الوطني للأحرار، خرج ليها نيشان مع اللي كيهاجموه بلا ما يسميهم بالاسم. كيفاش؟
رئيس حزب الحمامة كان واضحا في كلامه، اليوم السبت (4 مارس) أمام منسقي الحزب، في جامعة الأخوين في إفران، حين تحدث عن من أسماهم “أعداء الحزب” و”المشوشين” و”المهاجمين”.
وأوضح عزيز أخنوش أن هناك هجومات قوية على حزب التجمع الوطني للأحرار منذ أكتوب الماضي، حيث تسلم مفاتيح الحزب. وقال: “ظرفية خاصة كتوجد فيها الحكومة، وكاين واحد الضغط كبير من خارج الحزب على الحزب، هناك هجمات ممنهجة ديال قوات خارجية واللي كدير الحرب بالوكالة وكتعطي حنكها، وكاين اللي محرشهم شي حد وكيروجو للكذوب”.
ورد أخنوش على اتهمامات حميد شباط، الأمين العام لحزب الاستقلال، قائلا: “ملي كيكون قرارات حكومية كيرجعوها لينا حنا، بحال حنا اللي درناها، هاد الكذوب، هاد الكذوب غادي يلقى البلاصة ديالو، كاين اللي غادي يتوجه للمحاكم”.
وزاد عزيز أخنوش ردا على اتهامه بأنه دخيل على السياسة قائلا: “جيت للحزب في أكتوبر اللي فات ولكن حنا راه 70 عام وحنا في القطاع الخاص، ماشي يجي واحد عشرين عام باش جابتو السياسية يهاجمنا، كاين اللي يالاه بان وبغا يتعلق فينا باش يبان، وقال ليك جاي يحضي الديمقراطية، في الانتخابات اللي فاتت شداتو الكرش ومشا تخبا”. وأضاف: “داك الأستاذ اللي جاي كيقول راه مناضل، واش عمرو تشد؟ واش عمرو دوز الحباسات؟ ملي سالات المقاومة كاين ناس اللي مشاو للاقتصاد وشي مشاو للسياسية، وكاين اللي ما مشا دار والو وجا دابا باغي يبان.. راه ما كنضلمو حد ما كنتكرفصو على حد ونيتنا غادي تخرج فاللي تبعنا”.
كما انتقد أخنوش قائلا: “واحد الصحافي مقابلنا، أخويا مالك؟ كيقول حنا غادين بواحد السرعة وواحد القوة، واش كاين شي إشكالية؟ مالك أنت؟ هاد الناس خاصهم شوية المهنية وما يكونوش طرف حيت هو ماشي رجل سياسة، ويلا كنتي كدافع على شي طرف قولها وقول راني لسان حزب معين، ممكن تكذب على الناس مرة وجوج ولكن ماشي طول الحياة تبقى تكتب، الناس عارفين داك السيد منين كيتقدا”.
ولم يغفل عزيز أخنوش الحديث عن محمد زيان، رئيس الحزب الليبرالي المغربي، وقال ساخرا: “واحد الحزب عمرو حل حتى البيرو ديالو وهو جاي ينتقد الأحرار، هاد الناس كيجبدونا من لتحت، ولكن هاداك ماشي التيران ديالنا، حنا راه حزب ولاد الناس ماشي ديال داك الشي اللي بغاو”.
