• لأول مرة في تاريخه.. أولمبيك آسفي يُتوج بلقبِ كأس العرش
  • إشبيلية.. أخنوش يمثل جلالة الملك في مؤتمر الأمم المتحدة حول تمويل التنمية
  • اقتصاد الرّعاية.. المجلس الاقتصادي يُوصي بتنظيمه لمواجهة تحديات الشيخوخة
  • بعد توقيعه هدفا لباريس سان جيرمان.. حكيمي يبصم على أداء لافت في مونديال الأندية
  • موجة حرٍّ غير مسبوقة في عدد من المناطق… وبن جرير والقنيطرة وتارودانت ضمن الأكثر حرًّا عالميًا
عاجل
الخميس 14 سبتمبر 2017 على الساعة 13:50

أبيضار عاصرة على الشيخ الإدريسي: شفتو العبقرية كيف دايرة؟ شفتو التفكير العميق كيف داير؟

أبيضار عاصرة على الشيخ الإدريسي: شفتو العبقرية كيف دايرة؟ شفتو التفكير العميق كيف داير؟

الممثلة لبني أبيضار ما عجباتهاش الهضرة ديال الداعية حامد الإدريسي اللي قال باللي ما خاصش البنات يتخلطو مع الدراري في قسم واحد حيث المدارس ولاو فحال الماخور. كيفاش؟
لبني أبيضار، في تدوينة على حسابها على الفايس بوك، قالت: “السيد قالك حگا والواد، حيت كاين فساد أخلاقي فالمدرسة المغربية من الأحسن الواحد يشد بنتو فالدار ويسد عليها وما يسيفطهاش للمدرسة لي صورها لينا سي الداعية فحال شي ماخور، واللي بغاها تقرا يقريها فالدار أو عبر المراسلة داكشي ديال التاريخ والجغرافيا والتغذية”.
وتابعت الفنانة المثيرة للجدل: “حيت بالنسبة لهاد السيد هيا غي مرا آش بغات بشي طب وبشي هندسة وبشي طيران؟! واش بغات بشي ديبلوم؟ باش تنوض تخدم وتولي مستقلة ماديا ودير الگرون؟ باش تولي عندها فلوسها فجيبها وتا هي كلمتها فالدار؟”.
واسترسلت، ساخرة من دعوة الشيخ الإدريسي، “ما يمكنش آسيدي! العرض ديالها هو الأول والشرف ديالها هو الأول! والله ينعل بو شي قراية! شفتو العبقرية كي دايرة؟ شفتو التفكير العميق كي داير”.