أثار حضور المبرمج وخبير المعلوميات، أمين رغيب، في ندوة عقدت بمجلس النواب للحديث عن الهجمات الصارخة والمتكررة للبرلمان الأوروبي ضد المغرب، جدلا واسعا على مواقع التواصل الاجتماعي، بين متسائل لسر دعوته إلى البرلمان ومؤيد.
وتعرض المبرمج المغربي إلى هجمات وسخرية كبيرة من طرف بعض رواد مواقع التواصل الاجتماعي حول سبب دخوله البرلمان، إلا أن البعض الآخر حاول الدفاع عنه.
آش دخل يوتوبر للبرلمان؟
وكتب أحد المعلقين على الموضوع، “هاد الشي اللي بغيت نقول راه ماشي حسد ولا كراهية بالعكس الله يسهل على الجميع اللي لقى شي بزولة منين يرضع فهاد البلاد الله يعاونو واللي قدر على شي حاجة الله يعاونو، أمين رغيب مع كل احتراماتي كنعرفو عندي نمرتو كنتواصلو مرة مرة شاب طموح طور راسو من إنسان كيفورماطي التلفونات والبسيات عرف من أين تأكل الكتف هاد الشي مزيان ولا مؤثر فيسبوكي يوتبرز الله يعاونو والله يزيدو أنا فمكانو يكون عندي نفس الطموح”.
وأضاف “لكن اللي ماشي نورمال هو تستدعيه الحكومة للبرلمان المغربي يناقش برنامج التجسس بيكاسوس لمتهم فيه المغرب ورفع دعوى قضائية فالموضوع، واش حتى لهاد الدراجة طاح النيفو؟ واش ما عندناش خبراء فالمجال؟ واش ما عندناش دكاترة فالمجال؟ باش الدولة تجيب يوتبرز يناقش الموضوع المهم الخبار فراسك”.
وعلق آخر “هاهو بمعلومات سطحية وعامة وبعد المرات معلومات غالطة وصل للبرلمان”.
وجاء في تعليق آخر “يخيليو ليجيبو مهندسين فالمعلوميات ومتخصصين جايبين واحد عندو دبلوم ديال ISTA راه هاد الشي ديال التجسس راه كبير على حتى خبراء كبار فالمجال”.
واصل ولا تبالي
ومن جهة أخرى، حاول البعض الدفاع عن أمين رغيب، مشددين على أنه شاب طموح وعصامي ومشهود له بالكفاءة في مجال البرمجة والمعلوميات.
وكتب الإعلامي والصحافي رضوان الرمضاني، في تدوينة نشرها عبر صفحته الرسمية على الفايس بوك “لو كان شي نصّاب أجنبي لاحتفى به الجميع، ولروّجوا عنه ما فيه وما ليس فيه من “عبقرية” ودهاء، ولكن لأنه يُسمّى أمين رغيب، شاب مغربي عصامي مشهود له بالكفاءة في مجاله، ويتحدث لغة عربية ممزوجة بلكنة مراكشية، فقد استصغره البعض، متسائلا عن سر دعوته ليناقش بيغاسوس!!!”.
وأضاف صاحب برنامج “بدون لغة خشب”، “ولكن إن تحدث عن بيغاسوس أجانب نروِّج عنعناتهم بانبهار دون أن نُكلِّف أنفسنا عناء التحقق من كفاءتهم… بغيتي تكون واعر ضرب فالمغرب باش تكون عندك المصداقية!!!”.
وتساءل الرمضاني “مال أمين رغيب؟ كيهضر فشي حاجة ما يفهمش فيها؟ ولا كان خاصو يخرج يقول شي كلام يضرب فالمغرب وديك الساعة كلشي يرجّعو بطل؟ حگارة والله… براڤو أمين… عِصاميتك تكفي… ولا تبالِ بمن لا يفرِّق بين صانع محتوى على اليوتوب وبين تقني بارع ممكن يجبد لك مصارنك بلا ما تعيق”.
وعلق آخر على الموضوع، بـ”للأسف التفاهة اللي غزات يوتوب فالسنوات الأخيرة شوهت مصطلح يوتوبر فالمغرب، وليتي كتحشم تقول انا يوتوبر… من العيب ومن قلة الاحترام ومن كثرة الكبر والفيش الخاوي أنك تهاجم الخبير المعلوماتي رغيب أمين، وتحسدو حيت مشى لقبة البرلمان”.
وأضاف “مؤخرا وليت كنشوف واحد الهجوم لاااذع على جميع اليوتوبر كيفما كانو، غا شي واحد فيهم كايتواجد فالبرلمان ولا فقطر ولا يبان فالتلفازة كينوضو أصحاب الثقافة والعلم المبجلين يتهكمو عليه ويستصغرو منه بحالا هو خارج من السادس”، مشيرا إلى أن “اليوتوبر فيه اللي مجاز اللي دكتور اللي عندو ماستر وأغلبهم عندو مصدر دخل قار، ويوتوب غا زايدو كتحلية، فهداك اليوتوبر اللي انت كتستصغرو را وارد جدا يكون مثقف عليك وقاري عليك غا أنت ولفتي تفرج فالتفاهة فيوتوب وترسخات ليك فكرة فالمخيخخ ديالك أن اليوتوب كله تفاهة”.
وكتب آخر “أمين رغيب من الكفاءات العالية في المغرب في المجال اللي كيخدم فيه ويعتبر مرجع ونحن كمغاربة نفتخر به الله يسهل عليه”.
رغيب يرد
وفي رده على هذه الضجة، نشر أمين رغيب تدوينة عبر صفحته الرسمية على الفايس بوك، جاء فيها “آش جاب يوتيوبر لقبة البرلمان؟ واش أنا فيوتيوب كنشطح؟ ياك كنشارك دروس تقنية لناس لهوما بسطاء وبغاو يتعلمو؟ ياك غا داك النهار تم تكريمي كأفضل مؤثر في المجال التقني وكنتي كتفتاخر بيا. ياك عندي شركة متخصصة في نفس المجال اللي كاندوي عليه، ياك هضرت غير فتخصصي؟ واش ولات يوتيوبر عيب؟ ما نشاركوش ونفيدو ولاد الشعب، ولا المشكل ماشي فكوني يوتيوبر ولكن المشكل أبعد بكثير؟ المشكل فداكشي اللي صرحت بيه.
