تحدث مدرب المنتخب الوطني المغربي وليد الركراكي عن اللاعب الشاب لامين يامال صاحب الـ16 سنة وعن فرصة تمثيله للمغرب مستقبلا، وذلك في الندوة الصحفية التي جرت اليوم الخميس (31 غشت)، بالمركب الرياضي محمد السادس لكرة القدم.
وقال الركراكي خلال الندوة : “لامين يامال عندو غير 16 عام وخاصو ياخذ قرار صعيب وأنا والجامعة درنا اللي علينا معاه كاملين خدمنا باش لامين يجي معانا لكنه اختيار شخصي ماشي ساهل لولد عندو 16 سنة لهدو اللي فاقو كنشوفو مواقع التواصل الاجتماعي.”
و أضاف الركراكي : “رئيس الجامعة راه تلاقى بيه قبل الماتش ديال الشيلي ماشي حنا معطلين ولا شي حاجة هادي خدمة ديال شحال هادي خاصكم تعرفو باللي الجامعة متابعاه منين عندو 10 سنوات وعارفين الموهبة اللي عندو لأنه بغينا ولا مبغيناش راه غيكون نجم عالمي فالمستقبل”.
و ختم الناخب الوطني حديثه عن يامال قائلا: “حنا درنا اللي علينا باش يكون معانا وهو يختار وميمكنش نحتمو على شي واحد يجي يمثل المنتخب عارفين باللي عليه ضغط كبير أنا سافرت تلاقيت معاه وعطيتو المشروع ديالنا، إيلا كان غيختار إسبانيا الله يسهل عليه”.
هذا وينتظر متتبعو الشأن الكروي عبر العالم القرار الذي سيتخده لامين يامال بخصوص المنتخب الذي سيمثله في المستقبل بين إسبانيا البلد الذي ترعرع فيه والمغرب بلده الأصلي.
