• ضربو صاحبهم بهراوة ومات.. بوليس كازا شد جوج سطاجيير في مؤسسة التكوين المهني
  • علاش ألف يوم الأولى مهمة فحياة البيبي؟.. وزارة الصحة تطلق الأيام التحسيسية حول تغذية الأم والطفل
  • دارها أمزازي.. الحكومة تستعد لإلحاق “أساتذة التعاقد” بالصندوق المغربي للتقاعد
  • برافو عليها.. تلميذة كفيفة تحصل على شهادة البكالوريا بميزة حسن جدا
  • مشا غير عند الرميد.. العثماني يكشف سبب عدم زيارة هنية لابن كيران
عاجل
الخميس 03 يونيو 2021 على الساعة 14:13

مواطنين كاعيين على صحاب الطاكسيات بسبب تسعيرة كورونا.. ومهنيون يردون

مواطنين كاعيين على صحاب الطاكسيات بسبب تسعيرة كورونا.. ومهنيون يردون

رغم القرار الحكومي الآخير بتخفيف الإجراءات الاحترازية وتحديد الطاقة الاستيعابية لوسائل النقل العمومي في 75 في المائة، لا زال بعض أصحاب سيارات الأجرة الكبيرة في الدار البيضاء يفرضون على المواطنين دفع التسعيرة التي كانت قد طبقت في زمن كورونا عندما كانت الطاقة الاستيعابية محددة في 50 في المائة.

وأثارت هذه الواقعة جدلا في صفوف المواطنين الذين عبروا عن غضبهم واستيائهم لما أسموه بالابتزاز الذي يتعرضون له من قبل بعض أصحاب “الطاكسيات”.

مواطنين كاعيين
وفي تصريح لموقع “كيفاش” قال أحد المواطنين: “أنا كنستعمل الطاكسيات بزاف ولكن كنتفاجؤو ببزاف ديال المخالفات وطريقة عشوائية ما بين الكليان وشيفور الطاكسي… شحال هادي فأيام كورونا ملي كان احترام لمسافات والخوف والتباعد كان مفروض على الطاكسي يهز 3 دالبلايص والكليان يخلص بلاصتو بالضوبل قلنا ماشي مشكل ولكن اليوم الوقت طلقات والأمور غادا مزيان ورغم ذلك ما زال كنخلصو نفس الثمن واخا الطاكسي كيكون هاز البلايص ديالو كاملين ويلا هضرتي مع الشيفور كيقول ليك ركب ولا سير بحالك”.

وأضاف “خاص المراقبة والقانون يتطبق على المخالفين را حيت المواطن هو اللي كيتضرر من هاد الشي”.

وقالت شابة في مقتبل العمر هي الأخرى في تصريح ل”كيفاش”، “أنا البارح كنت غادا للمحمدية ووقع ليا مشكل مع الطاكسي خلصت الثمن زايد وملي طلعت لقيت بلي حنا 6 فالطاكسي وملي سولت الشيفور قال ليا هادو طالعين فابور”.

وأضافت “دابا قليل فين كتلقى شي طاكسي كيهز الكليان بالثمن العادي ولا كيهز غير البلايص اللي مفروضين عليه”.

مهنيون: حوتة كتخنز بزاف
ومن جهته، قال صاحب سيارة أجرة في تصريح للموقع “المشكل اللي كاين أن الدولة عطات 75 في المائة يعني الطاكسي فالأصل كيهز 6 خاصو يولي يهز 4,5 وهذاك النص كيغنديرو ليه… دابا ولينا كنهزو 5 دالبلايص مثلا كنا كنديو للحي الحسني ب9 دراهم دابا ولينا كنديو غير ب8 الدراهم”.

وأضاف “الشيفور اللي كيهز 6 دالبلايص را غير كيريسكي وملي كيهز 6 دالبلايص را خاص يرجع للتسعيرة اللولة يعني 6 الدراهم وفاش كتكون ساعة الذروة يعني الترونسبور ما كاينش الكليان كيقول ليك حنا نركبو 6 ونخلصو الطريفة اللي خدامين بها يعني خاص يكون غير توافق بين الشيفور والكليان”.

وقال مهني آخر “حوتة وحدة كتخنز بزاف المشكل فالكليان ما كيهضرش على حقو ملي طلع فطاكسي ويبان ليك هز 6 الناس هضر على حقك قول ليه ا سيدي الناس كيهزو 4 ولا 5 ها شحال كيخلصو ملي هزيتي 6 ها شحال خاصنا نخلصو”.

https://youtu.be/Z2NttzeAzcw