• أوزين: إقامتنا بالجزائر كانت أخوية… وكل مواطن جزائري قابلناه إلا وكان مبتهجا بلقاء إخوانه
  • مدرب تشيلسي: زياش رجع للتداريب وهو محترف وتفهم الموقف!
  • والد الطفل ريان: ما تصوروش الفرحة ديالي ملي الزوجة ديالي ولدات… وهاد الوليد غادي يعمر علينا الدار
  • في ختام الاجتماع رفيع المستوى.. المغرب وإسبانيا يوقعان على 19 مذكرة تفاهم (صور)
  • ملياران لبرمجة هواتف البرلمان.. مجلس النواب يخرج عن صمته
عاجل
الإثنين 26 ديسمبر 2022 على الساعة 14:43

على لسان والده.. جديد الحالة الصحية للاعب عبد الحق نوري (فيديو)

على لسان والده.. جديد الحالة الصحية للاعب عبد الحق نوري (فيديو) Abdelhak Nouri of Ajax Amsterdamduring the Dutch Eredivisie match between Ajax Amsterdam and sbv Excelsior at the Amsterdam Arena on October 29, 2016 in Amsterdam, The Netherlands(Photo by VI Images via Getty Images)

كشف محمد نوري، والد اللاعب عبد الحق نوري، عن جديد الحالة الصحية لابنه الذي تعرض لسكتة قلبية خلال مباراة ودية في النمسا، يوم 8 يوليوز سنة 2017، جعلته يعاني من أعراض خطيرة ودائمة على مستوى الدماغ وغيبوبة طويلة الأمد.
وأكد محمد نوري خلال مروره ضيفا في برنامج “بدون لغة خشب”، اليوم الاثنين (26 دجنبر)، أن الحالة الصحية لابنه تحسنت مقارنة مع السنوات الماضية.

وقال والد نوري “حنا فرحانين بالحالة اللي وصل ليها عبد الحق، الحمد لله ولينا فاش كنهضرو على شي حاجة كيفهمنا وكيضحك قبل منا”.

وعن طريقة التواصل معه، قال محمد نوري “الطريقة اللي كيتواصل بها لحد الساعة غير كيبتسم وكيحرك عينيه زعما راني فهمت، مثلا فاش كيعيا كنسولوه واش نقلبوه على جهة أخرى كيحرك عينيه يقول اه”.

وأضاف “فاش كان فالصبيطار كان فحالة صعيبة بزاف، ولكن الحمد لله فاش جبناه لدار تحسنت الحالة ديالو، خاصة فاش كيشوفنا ويشوف خوتو وصحابو”.

<iframe src=”https://www.facebook.com/plugins/video.php?height=314&href=https%3A%2F%2Fwww.facebook.com%2FMEDRADIO.OFFICIEL%2Fvideos%2F530186239048414%2F&show_text=false&width=560&t=0″ width=”560″ height=”314″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>

وتابع “دائما صحابو والعائلة كيجيو يزوروه ولكن في فترة كورونا ما كناش كنخليو الناس يدخلو عندو، كنا كنخافو يمرض حيت ما عندوش المناعة”.

وشدد والد نوري على أن “الناس جاو عندنا من المغرب حتى لدار وناس من دول أخرى كيعيطو ويسولو عليه، وعبد الحق ملي كيشوف الناس وصحابو كيفرح وكتشوف فعينيه أنه فرحان وكيبغي يخرج لسانو باش يهضر وكيعرف الصوت ديال شكون كيهضر معاه”.

وأوضح أن “الأطباء كانو فقدونا الأمل، وكانو كيقولو لينا صافي ما يقدرش يرجع ولكن حنا خلينا أملنا فالله، والحمد لله دابا كيتحسن على عكس الهضرة اللي قالو الأطباء”.

يذكر أن عبد الحق نوري أصيب شهر يوليوز 2017، في مواجهة ودية بين أياكس أمستردام وفيردربريمن الألماني داخل الملعب، حيث فقد وعيه واحتاج إلى طائرة لإخراجه وإسعافه، وكانت الفحوص الأولية تشير إلى استحالة بقائه على قيد الحياة.