• واخا هكاك ردو البال.. المغرب ينتقل إلى المستوى المنخفض لانتقال عدوى كورونا
  • بن بطوش خايف.. زعيم الجبهة الوهمية يرفض كشف طريقة دخوله إلى إسبانيا!
  • جزائريون من بروكسل: الجزائر ولدت سنة 1962!
  • “فرصة” للشباب وحماية اجتماعية وتعويضات عائلية.. أهم مرتكزات مشروع قانون مالية 2022
  • عين العمراني سفيرا لدى الاتحاد الأوروبي.. جلالة الملك يعين بنشعبون سفيرا للمغرب في فرنسا
عاجل
الجمعة 24 سبتمبر 2021 على الساعة 10:01

صاحب قاعة رياضية: عينا وتقهرنا بالسدان… وكاين اللي ما بقى كيلقى حتى ما ياكل

صاحب قاعة رياضية: عينا وتقهرنا بالسدان… وكاين اللي ما بقى كيلقى حتى ما ياكل

“عينا وتقهرنا وواش كورونا كاينة غير عندنا؟”… هكذا عبر صاحب قاعة رياضية عن غضبه من الإغلاق المفروض على بعض القطاعات من بينها القاعات الرياضية للحد من انتشار وباء فيروس كورونا المستجد.

وقال صاحب قاعة رياضية في تصريح لموقع “كيفاش”، “تقهرنا بالسدان اللي بغينا نعرفو واش كورونا كاينة غير عندنا؟”.

وأضاف “را وصلات فينا لعظم ما بقى عندنا ما ناكلو وشحال من زميل ديالنا دار إفلاس… را حشومة هاد الشي كلشي حال إلا حنا”.

وتابع “واش الدنيا كلها عامرة ناس خارجة مسافرة وكلشي خدام وحنا سادين علينا واش حنا بوحدنا اللي عندنا كورونا ولا شنو؟”.

وواصل حديثه بالقول “كنعرف ناس اللي كانوا عندهم قاعات رياضية ومع هاد السدان تسطاو حيت ما بقى عندهم حتى شي مدخول آخر وكانو كيعيشو النهار بنهارو وهازين عائلات”.

وختم حديثه “طالبين غير يحلو لينا ويخليو على الأقل غير الناس اللي دايرين التلقيح يجيو للقاعات الرياضية ويخليونا كنترزقو على الله… تحكرنا وسمحنا فبزاف دالحوايج على قبل بلادنا وملي كتشوف بحال هاد الشي كيضرك خاطرك”.

إقرأ أيضا: وصلات فيهم لعظم.. مهنيو القاعات الرياضية يراسلون وزير الداخلية