• إيفاد لجنة لتقصي حقيقة تلويث “مُفتعل” بالمياه العادمة.. شنو واقع في بحيرة مارشيكا؟
  • بعد فشل صفقة البحيري.. بودريقة يكشف المستور
  • احتموا بمخابئ صخرية لتهريب الحشيش.. البوليس شدو المشتبه فيهم في الناظور (صور)
  • ذكرى ثورة الملك والشعب.. جلالة الملك يصدر عفوه السامي على 542 شخصا
  • دات النص ديال السوق.. الطماطم المغربية تؤمن حاجيات المستهلكين الإسبان
عاجل
الأحد 10 يوليو 2022 على الساعة 14:00

دارو بناقص من الحولي.. مغاربة مدوّزين عطلة العيد الكبير في إسبانيا

دارو بناقص من الحولي.. مغاربة مدوّزين عطلة العيد الكبير في إسبانيا

فالوقت اللي كانوا فيه معظم المغاربة، مشطونين مع الحولي، نهار قبل العيد، فضّلوا بعض المواطنين الميسورين، يدوزو العطلة د العيد الكبير سياحة في الخارج، وبالضبط في جنوب إسبانيا. كيفاش؟

شنو وقع؟

أفاد مصدر مطلع لموقع كيفاش، من ميناء طنجة المدينة، أن عملية مرحبا، شهدت أمس السبت حركية استثنائية في الميناء. مؤكدا أن جل السيارات المغادرة في اتجاه إسبانيا، كانت لمواطنين مغاربة غير مقيمين في الخارج قائلا :” لانشات (بواخر) اللي خرجو من طنجة لطريفة (جنوب إسبانيا) لبارح السبت، مشاو عامرين غير بالحديد الواعر وماتريكول د المغرب، ما كاينش حسّ السيارات ديال مهاجرينا المقيمين في الخارج”.

كيفاش؟

وكشف المصدر، “كانوا نهار السبت بين 9 إلى 12 رحلة ذهاب وإياب، المسافرين اللي كانوا خارجين، كلهم من اللي مسّك عليهم الله، وراكبين على السيارات الفاخرة”.

وبخصوص ثمن الرحلات، أوضح مصدر موقع “كيفاش”، من ميناء طنجة المدينة، بعض الشروحات قائلا: “التذكرة ذهاب وإياب ساوية 6000 درهم، فيها طوموبيل واحدة و3 المسافرين، وإيلا تزاد شي مسافر تتكون زيادة فالثمن ديال 500 درهم على كل واحد”.

وأضاف: “غالبية المغاربة اللي كانوا خارجين، كانوا هازين سيولة بالعملة الصعبة بين 8 و 10 آلاف أورو اللي مسموح بيها، ومنهم اللي عندو كارطات “فيزا” ولا “ماستر كارد” تتخدم على برّا”.

هذا وتتراوح سعة معظم البواخر التي تربط بين مينائي طنجة المدينة وطريفة الإسبانية، بين 140 و 150 سيارة، فيما لا تتجاوز مدة الإبحار بين الضفتين 45 دقيقة.