• اختصاصية في علم المناعة: هؤلاء الأشخاص أقل عرضة للإصابة بكورونا
  • منظمة الصحة العالمية تحذر: الأشهر القليلة القادمة ستكون صعبة جدا… وبعض الدول في مسار خطير
  • عبرت عن رفضها “للضريبة التضامنية”.. نقابة تطالب بإحداث ضريبة على الثروة وتضريب المستفيدين من خيرات البلاد
  • ممصروطش للمصريين والتوانسة.. “طونطو” لقجع يا مجننهم!
  • رحلة البحث عن البرتوكول العلاجي.. مصابون بكورونا يحكون قصص انتظارهم “مكالمة” من وزارة الصحة
عاجل
السبت 26 سبتمبر 2020 على الساعة 18:00

المهاجري: الحكومة ضرباتها كورونا للراس… ما قدروش ينظمو البهايم وبغاو ينظمونا حنا! (فيديو)

المهاجري: الحكومة ضرباتها كورونا للراس… ما قدروش ينظمو البهايم وبغاو ينظمونا حنا! (فيديو)

انتقد البرلماني عن حزب الأصالة والمعاصرة، ورئيس لجنة الداخلية في مجلس النواب، هشام المهاجري، طريقة تدبير الحكومة لجائحة كورونا، لكنه أشاد، في الوقت ذاته، بأداء بعض الوزراء.

وقال المهاجري: “أنا شكرت وزارة الداخلية، ولكن راه فواحد المداخلة ديال قبل ما نكون رئيس لجنة، كان عندنا مشكل الرعي الجائر فسوس، وقلت ليه نتوما حكومة ما قدارش تنظم البهايم فالمغرب وبغيتو تنظمونا حنا”.

وأضاف البرلماني عن حزب الجرار، خلال استضافته أمس الجمعة (25 شتنبر)، في برنامج “بدون لغة خشب”، على إذاعة “ميد راديو”، “أنا الوزراء عندي كلهم بحال بحال، إيلا عمرني انتقدت البيجيدي فالأشخاص ديالو ولا الإيديولوجيا ديالو جبد ليا المداخلة، أنا أنتقد التدبير الحكومي… دخل سمع أش قلت لوزير التعليم، قلت ليه عندنا أقسام لا تصلح لتربية الأرانب، وسمع أش قلت على المغرب الأخضر…”.

واعتبر المتحدث أن “الحكومة ضرباتها كورونا للراس، الحكومة السياسية ضرباتها كورونا للراس، قلتها ونعاود نقولها، علاه أيامات كوفيد بان ليك شي وزير سياسي، راه الحكومة كانت جالسة فالليل كدير الواتساب ولي لايف وكتعطينا الدروس، واش اللي كيفيق الصباح يخدم واش غيتسنى الليل يدير المناظرات فالفايس بوك، أصلا اللي كيفيق السبعة دالصباح ويخدم حتى للعشرة دالليل راه كيدخل لدارو كيطيح وينعس، هاد الناس ما كانوش خدامين ديك الفترة”.

وانتقد المهاجري الخرجات الإعلامية التي قام بها رئيس الحكومة في المراحل الأولى لانتشار فيروس كورونا، قائلا: “رئيس حكومة دار خرجات أووت أنا شبهتو برئيس كتابة الضبط، الناس كتشتغل كتجيب لو الملفات كيجيبها للبرلمان كيقراها وكيدوز القوانين هاد الشي اللي كيدير”.

وأضاف: “شي قطاعات خدمو، خدم وزير الداخلية ووزير التعليم وزير الصحة وزير الشغل وشي قطاعات خدمو”.