• أول ماتش مع الأرجنتين.. المنتخب الوطني للشباب يشارك في دوري دولي في إسبانيا
  • ميركاتو شاعل.. أولمبيك آسفي يتعاقد مع 6 لاعبين
  • فلوكتهم غرقات.. إنقاذ 23 صيادا من الغرق في ساحل الدار البيضاء
  • طنجة.. البوليس يوقف ثلاثة “بزناسة” يتاجرون في ريفوتريل
  • استعدادا للمونديال.. منتخب السيدات لأقل من 17 سنة يعسكر في المعمورة (فيديو)
عاجل
الأربعاء 27 أبريل 2022 على الساعة 00:00

المنصوري والجمع بين وزارة الإسكان وعمودية مراكش: وقول باز! (فيديو)

المنصوري والجمع بين وزارة الإسكان وعمودية مراكش: وقول باز! (فيديو)

في ردها على سؤال حول مدى قدرتها على الجمع بين عمودية مدينة مراكش، ووزارة إعداد التراب الوطني والتعمير والإسكان وسياسة المدينة، قالت فاطمة الزهراء المنصوري، مخاطبة الإعلامي رضوان الرمضاني، “وقول باز”.

وأضافت المنصوري، خلال استضافتها في برنامج بدون لغة خشب”، على إذاعة “ميد راديو”، حصلت على شرف كبير اللي هي ثقة المواطنين اللي صوتو عليا فمدينة مراكش، ودرت حملة كمشروع عمدة، ومن بعد حصلت على ثقة أكبر ديال صاحب الجلالة، وجلست وقلت ما يمكنش نخون واحد جوج أمانات تقال، واش يمكن ليا ولا ما يمكنش؟

وتابعت عمدة مراكش: “نقدر نقوليك اليوم أنه وبفضل وسائل التواصل، والتنقل الكثير، ماكاينش شي حد كيعرف الطريق بين مراكش والرباط قدي، أنني حاضرة فبلدية مراكش والمجلس الجماعي ومع المنتخبين”.

وأكدت العمدة أنها لا تسيير مدينة “سبعة رجال” بمفردها وإنما بمعية فريق عمل، “وعشرة نواب وطاقم ديال المنتخبين فالمستوى، وعندهم روح المسؤولية وكيعرفوني باللي ما يمكنش نكون يوميا معاهم، لذلك تزادو تحمسو بالعمل”.

وأضافت المنصوري: “كنت كنتمنى نحضر كثر، ولكن حاضرة ببرامج وبقوة، وعندي علاقة ورثتها من الواليد ديالي، علاقة عاطفية مع مدينة مراكش ولهلا يحشمني مع مراكش ومع المغاربة كلهم”.

وشددت عمدة مراكش على أن تتابع أول بأول عملية تدبير شؤون المجلس الجماعي، موردة: “ما كاينش النهار اللي ما كنهزش التيليفون ونتواصل مع مديرة الديوان اللي هي سيدة ملتزمة مع المجلس الجماعي وتتشتغل، وتنتواصل مع النواب ديالي ومع المصالح الخارجية ومع السيد الوالي ومع رئيس الجهة على ملفات اللي تتهم مراكش، وهاد الشي يوميا”.