• مرافق صحية دون تدخين.. وزارة الصحة تُواصل تنزيل استراتيجيتها الوقائية (صور)
  • بفوزه بثلاثية على الكوكب المراكشي.. نهضة بركان يتأهل إلى ربع نهائي كأس العرش
  • حكيمي حاضر بقوة.. سبعة لاعبين من باريس سان جيرمان في التشكيلة المثالية!
  • مراكش .. جلالة الملك يوجه رسالة سامية إلى المشاركين في ملتقى “إبراهيم لنهاية الأسبوع حول الحكامة”
  • بسبب “الظلم”.. شاب جزائري حاول إضرام النار في نفسه أمام مقر وزارة العدل
عاجل
الجمعة 09 مايو 2025 على الساعة 10:57

مدرب الوداد: الهدف ديالنا دابا المركز الثالث… والمنافسة ما زال ما سالات

مدرب الوداد: الهدف ديالنا دابا المركز الثالث… والمنافسة ما زال ما سالات

أبدى أمين بنهاشم، مدرب نادي الوداد الرياضي، ارتياحه الكبير بعد الفوز على شباب السوالم بنتيجة (2-0)، ضمن الجولة ما قبل الأخيرة من البطولة الاحترافية، مشددا على أن الفريق يسعى على الأقل إلى ضمان المركز الثالث المؤهل للمشاركة القارية.

وأكد بنهاشم في تصريحات صحفية عقب اللقاء المذكور: “الهدف ديالنا دابا الرتبة الثالثة ما خاصناش نفرطو فيها، حيت الثانية ماشي بيدينا وخاصنا نتسناو الجيش تخسر”.

وتحدث مدرب الوداد عن المباراة السابقة أمام الجيش الملكي، واعتبرها نقطة تحول في مشوار الفريق، حيث قال: “الفوز على الجيش الملكي كان مهم بزاف، حيت عطى دفع قوية وثقة كبيرة للاعبين من بعد سلسلة ديال النتائج السلبية، اللي عرفات بزاف ديال التعادلات وصعوبة فالفوز”.

كما نوه بنهاشم بالدور الكبير الذي تلعبه الجماهير الودادية، قائلا: “الحضور ديال الجمهور فدك الماتش، وحتى اليوم بمناسبة الذكرى 88 لتأسيس الوداد، كان عندو تأثير خاص. حسّينا بالضغط باش ما نخيبوش الظن ديال الجمهور، وداكشي عطى اللاعبين حافز باش يعطيو كلشي فالميدان”.

وبالنسبة للمباراة المقبلة ضد نهضة الزمامرة، قال بنهاشم: “كيتسنانا ماتش صعيب خارج الميدان، وكنحتاجو الدعم ديال الجمهور باش نحافظو على المركز الثالث. الغياب الطويل على المشاركات القارية كيأثر على التنافسية ديال الفرقة، والمشاركة فالكاف غادي تعطي تجربة جديدة للاعبين اللي مازال ما لعبوش إفريقيا”.

وفي ختام حديثه، عبّر بنهاشم على فخره بقيادة الوداد، قائلا: “كنت تحت ضغط كبير، ولكن حاولت نكون فالمستوى. تدريب فريق كبير بحال الوداد هو حلم ديال أي مدرب مغربي، ودرّت جهدي باش نستغل هاد الفرصة مزيان”