محمد المبارك
هند درار، مرات اللاعب نبيل درار، الاسم ديالها الحقيقي هو هند بن ضايفة، عندها 32 سنة، ومن أصول طنجاوية، ولكن تزادت في بروكسيل في بلجيكا، من عائلة متوسطة الحال، وهي الكبيرة وسط 6 ديال الخوت.
هند عندها دبلوم في العلاقات العامة، وكانت عارضة أزياء هاوية، وملكة جمال جهة هينوت لسنة 2007، وشاركات في نهائيات ملكة جمال بلجيكا 2009 ولكن ما ربحاتش.
سنة 2011، غادي تتزوج بنبيل درار، وكانت فال خير عليه، حيث من بعد سنة فقط غادي يجيه عرض من موناكو، ب2 مليون أورو سنويا.
وفي 2013 قررت تدير شركة لبيع الملابس والتسويق عبر الإنترنت، ولكن ما نجحاتش الشي اللي خلاها تسد سنة 2015.
هند عندها مع نبيل ثلاث ديال بنات، وشحال من مرة قال باللي بفضل هند حياتو ولات حسن، وأكثر نضج، بل قال باللي هند كانت أكثر نضوج منو وهي اللي في العديد من الأحيان قالت ليه شنو يدير.