عصام أيت علي
تعرض نادي “نجوم جرف الملحة لألعاب القوى” لحادثة سير خطيرة، نهاية الأسبوع الماضي.
وأسفر الحادث عن إصابة كل من فايزة الجبلي وهشام العرفي بجروح خطيرة تطلبت نقلهما على وجه السرعة إلى مستشفى ابن رشد في الدار البيضاء.
وأكد محمد جبلي، والد العداءة، في تصريح لـ”كيفاش الرياضية”، أنه “من بعد ما دارت 2 عمليات جراحية فمستشفى الشيخ خليفة بن زايد آل نهيان فالدار البيضاء، الحمد الله قالو ليا الأطباء أن حالتها مستقرة”.
وعن تفاصيل الحادث، قال محمد جبلي: “بنتي تعرضات هي وزوج الناس لحادث سير خطير، وداوهم لصبيطار ابن رشد فالصباح ديال نهار الأحد (1 يناير)، وأنا ما وصلت عندها حتى لشي 8 ديال الليل، ولقيت ما داروش للبنية سكانير ما والو، حيت قالو لينا خاسر، الشي اللي خلانا نعيطو على سيارة الإسعاف باش يديوها لشي مصحة خاصة يديرو ليها سكانير”.
وأضاف: “من بعد ما درنا ليها سكانير، كان خاصها تدير عملية جراحية فأسرع وقت، ولكن الطبيبة اللي تماك قالت لا يمكن، حيت ما غاديش توصلها النوبة ديالها حتى لوسط السيمانة، وهو الأمر اللي خلانا نديو لبنت لمستشفى الشيخ خليفة بن زايد، اللي دارت فيها زوج عمليات جراحية”.
وطالب والد العداءة الحسين الوردي، وزير الصحة، بالتدخل “باش يشوف حالات الصيبطارات فالمغرب”.
وعن تكاليف علاج العداءة فايزة الجبلي، أوضح والدها: “أنا عندي المهم هي بنتي ترجع ليها صحتها، والحمد لله جا عندي 2 أعضاء من جامعة ألعاب القوى ووقفو معايا، خصوصا واحد منهم وقال ليا جي انت وعائلتك وباتو عندي فالدار”.
وأضاف: “هاد العضو وعدني باش الجامعة تتكلف بمصاريف العلاج، المهم أنا اللي تكلفت بمصاريف ديال سكانير وسيارات الاسعاف، ولكن كيف قلت ليك بغيت غير بنتي ترجع ليها الصحة”.
يشار إلى أن نادي “نجوم جرف الملحة لألعاب القوى” كان سيشارك في سباق العدو الريفي الفيدرالي، المحطة الثالثة، الذي نظم في مدينة مراكش.
