محمد المبارك
الدري اللي سرق الكاسكيط ديال أمينوكس في حفلة تيمتيار فأكادير السيمانة الفايتة، مشا حطها في موقع خاص بالبيع وكيطلب فيها 3 ملايين ونص مليون سنتيم.
الشاب يدعى حميد لطفي، وحط صورة وهو لابس الكاسكيط اللي خذا لأمينوكس من وسط الحفل وكتب عليها: “كاسكطيك أمينوكس ما زال جديدة”.
هاد الإعلان جاب الضحك لزوار الموقع، علما أن الثمن الحقيقى ديال ديك الكاسطيك لا يتجاوز 300 درهم في الأسواق، وأن أمينوكس رغم الشهرة ديالو كيبقى نجم محلي فقط، وماشي فنان عالمي باش الناس يتسابقوا على الأكسيسوارات ديالو.