• الرباط.. اتفاق دولي لإحداث أول مكتب إفريقي للسياحة والابتكار
  • لإنجاز برنامج التهيئة الطبيعية والترفيهية لغابة سيدي معافة.. بنعلي توقع اتفاقية شراكة بوجدة
  • الغش في امتحانات الباك.. وضع 8 أشخاص في أكادير تحت تدابير الحراسة النظرية
  • داير گروب فالواتساب كيسرب امتحانات الباك.. توقيف عشريني في الحسيمة
  • تارودانت.. “إقصاء وتهميش” الأمازيغية في مهرجان “ربيع المسرح” يغضب جمعيات وهيئات حقوقية
عاجل
الخميس 29 أغسطس 2013 على الساعة 17:07

هلوسات فايسبوكية…

هلوسات فايسبوكية…

 

الفقيه بوصنطيحة
الفقيه بوصنطيحة

 

1

واش “المعطلين” ديال الرباط كيناضلو باش يخدمو ولا باش بنكيران يمشي فحالو؟ والله يلا كنسول من نيتي، حيت يمكن لقاوها خدمة…

 

 

2

حتى الحرب كيعلنو على التاريخ ديالها… واش هادو باغيين الخدمة فبشار ولا دايرين معاه موعد غرامي… حتى الحرب ما بقاتش بالشان ديالها… الله يرحم زمن الكر والفر!!!

 

 

3

كتكتب جملة على الحب ولا على أتاي ولا على الحليب ولا على الغاسول ولا على بطاطا كيجبو التعاليق على سوريا والسيسي والبالتاجي والناتو والتتر والحروب الصليبية… ها العار بلاش من هاد الشي….

 

 

4

أكبر نكتة مغربية: المغاربة شعب نكتة (اللي ضحكتي معاه يهجرو ليك يا لطيف)…

 

5

شرحي المتواضع لمقولة: الزين يحشم على زينو والخايب غير يلا هداه الله….

حين تعبر شهد برمدا بكل رقة عن حبها لبشار الأسد… أشعر بحب كبير لبشار الأسد

حين تعبر إلهام شاهين عن حبها للسيسي… أشعر بأن البلتاجي ديال الإخوان أكثر أنوثة منها….

 

 

6

البومبية مشاو يطفيو العافية والعامل والوالي لاش كيمشيو؟

 

7

المغاربة غادي يحمقو صندوق النقد الدولي… الأزمة الاقتصادية واخا هاكاك كلشي كيتقدى الزحام فين ما مشيتي… والله اللي عندو نوبل فالاقتصاد لا فهم شي حاجة!

 

8

 

واحد الجملة كتستعملها لاماب كتدير لي الانفعال الهرموني: نقل المصاب إلى المستشفى لتلقي العلاجلات الضرورية…

السيناريو الأول: يا إما كاين شي صبيطار كيمشيو يلعبو فيه الكرة ويشربو رايبي مع ميلفوي.

السيناريو الثاني: يا إما كاين شي علاجات ضرورية وشي علاجات غير ضرورية (الواحد مفرشخ فكسيدة غادي يسولوه واش بغيتي اللي ضروري واللي ماشي ضروري).