• لشكر: اللي داير الانتخابات باش يرجع للمعارضة اللي يطليه بها… وما عنديش طموح نستمر فالكتابة الأولى للاتحاد الاشتراكي
  • لشكر: الأغلبية الحكومية تعيش تسابقا على من يقود الحكومة المقبلة… ونحن حزب لا نبحث على التموقع
  • في حوار طريف وعفوي.. مجموعة فناير تكشف كواليس غيابها وتُقيم مستوى الأغنية الشبابية (فيديو)
  • لشكر مهاجما التقدم والاشتراكية: كانوا “كيفلورتيو” مع بعض الأطراف فالأغلبية… وملتمس الرقابة تمت شيطنته
  • بعد تحطيم حفله رقما قياسيا في موازين.. تكريم راغب علامة من قبل سفير لبنان في المغرب (فيديو)
عاجل
الإثنين 26 يونيو 2023 على الساعة 21:30

نايضة بين الأحرار والبيجيدي.. “الفساد” يشعل جلسة بمجلس النواب

نايضة بين الأحرار والبيجيدي.. “الفساد” يشعل جلسة بمجلس النواب

البيجيدي والأحرار ولاو دايرين فحال الموش والفار فالبرلمان، ما كتدوزش شي جلسة أسبوعية بلا ما تشبك بيناتهم، كيفاش؟.

مجددا، نشبت مشاداة كلامية، خلال الجلسة الأسئلة الشفوية بالغرفة الأولى، اليوم الاثنين (26 يونيو)، بين عبد الله بوانو، رئيس مجموعة العدالة والتنمية في مجلس النواب، والبرلماني عن حزب التجمع الوطني للأحرار، لحسن السعدي، بسبب “الفساد”.

شوهتونا بقضايا الفساد ديالكم

وقال لحسن السعدي خلال مداخلته، “اللي فيه الفساد اليوم كثر فبلادنا هو الخطاب السياسي، الناس اللي اليوم وصلوا لـ13 نائب برلماني (في إشارة إلى حزب العدالة والتنمية) بسبب قضايا الفساد الأخلاقي والمالي، خاصكم تعرفو باللي الخطاب ديالكم هو اللي فاسد”.

وأضاف السعدي: “كفى من أنه تجيو كل مرة لهاد المؤسسة وتطعنو فالانتخابات وفالمغاربة، اللي كتقولو بأنهم تباعو وتشراو، المشكل الحقيقي هو قضايا الفياد الأخلاقي اللي عندكم واللي وصلاتكم لـ13 برلماني (عدد برلماني البيجيدي)”.

وتابع البرلماني عن الحزب القائد للحكومة: “شوهتونا أمام المنتظم الدولي، رديتو بلادنا ضحكة لمدة 10 سنوات، ما كنتوش فالمستوى، وهاد الشي اليوم خاصكم تعترفو به”.

اللي جاي باغي يتعاير أنا ما غنتعايرش معاه

ورد عبد الله بوانو، رئيس المجموعة النيابية لحزب العدالة والتنمية، الذي طالب بنقطة نظام، على ما جاء على لسان البرلماني “التجمعي”.

وقال بوانو: “هذا برلمان مسؤول، وهاد النظام الداخلي اللي درناه خاصنا نحترموه، المادة 357 واضحة، والكلام ديال السادة النواب يتوجهون إلى الحكومة وخاصو يتسم بالأمانة والاستقامة والمسؤولية والالتزام، أما شي نائب يبقى يتوجه لفرق أخرى بالإشارة الواضحة ولا باللمز فهادا ما كايناش كاع فالعمل السياسي”.

واسترسل رئيس المجموعة النيابية للبيجيدي: “هاد البرلمان راه هو تجربة وتراكم، ويلا كان شي واحد باش جاي باش باغي يتعاير أنا ما غنتعايرش معاه، أنا عندي النظام الداخلي، لذلك أطلب منكم، سيدي الرئيس، سحب كل ما لا ينسجم مع المادة 357، خاصة الإشارة إلى حزب وإلى فريق وإلى عدد”.

كلامك معقول ولكن…

وعاد رئيس فريق التجمع الوطني للأحرار، محم غيات، ليطلب بنقطة نظام أخرى، رد من خلالها على ما تقدم به بوانو.

وقال غياث، مخاطبا رئيس المجموعة النيابية للبيجيدي، “كل ما جاء في كلامك معقول، ولكن هاد الشي طبقو على النواب ديالك”.