محمد محلا
نهاد بنعكيدة، مقدمة برنامج “قصة الناس” على ميدي1 تي في، قالت إن طريقتها في الأسئلة ما فيهاش التحكار، واخا كتبقى تعاود فالأسئلة للضيوف ديالها، اللي كيجيو يعاودو على قصصهم.
نهاد، الذي استضافها برنامج “كيفاش” الذي بث على “ميد راديو”، اليوم الجمعة (8 مارس)، بمناسبة عيد المرأة، أكدت بالمناسبة أن الضيف الذي حكى عن تجربته الشعودة في علاقته مع شي فقيه ما كانش كيمثل.
نهاد، مبروك عواشر عيد المرأة؟
الله يبارك فيك، وكل النساء المغربيات المناضلات والمكافحات يكونو بألف خير.
لالة نهاد أنت الأسبوع كامل وأنت كتسولي في ناس على قصتهم في برنامج “قصة الناس”، أشنو هي قصتك أنت؟
أنا قصتي من قصة هادوك الناس، أنا وحدة من الناس، واللي كتسمعو من دوك الناس أنا عندي فيه ألف قصة وقصة.
كين اللي كيقول عندك طريقة في شكل في الحوار مع الناس؟
بحال آش هاد الطريقة اللي في شكل؟
كتبقاي تحكري وتعاودي السؤال وتحكري وتعاودي السؤال. علاش زعما؟
هي طريقة في شكل ديال الأسئلة، يمكن ما غاديش نسميه تحكار، أنا كنبغي ننبش أكثر في نفسية الآخر، الناس عندهم استعداد في الراديو باش يبوحو وكيهدرو بلا طابوهات، الإذاعات ديالنا الخاصة في المغرب كسرات الطابوهات والناس كتهضر في كلشي، في السياسة والجنس والدين، والتلفزة ديالنا ما زال فيها الطابوهات، وما شي سهل على المغاربة في التلفزة باش يجي مغربي يعاود قصتو.
هاد الأيام خرج شي خبار كتقول باللي واحد الضيف في حلقة الشعوذة كان غير كيمثل وظهر في برنامج آخر. وقالو باللي راكم غير كتمثلو على المشاهد. كيفاش درتو ليها؟
هاداك الضيف اللي جا كيعاود على تجربتو على الشعودة في علاقته مع شي فقيه ما كانش كيمثل، إيه هو ممثل، بحال استضفنا الممثل كريمة الملقبة بهيفاء في حلقة “السمنة”، وبحال استضفنا هشام تيكوتا في حلقة “شكلي معقدني”… فقط نبغي نقول ما نبقاوش نحكرو بزاف كيفما قلتي باللي ناس كيقولو راني كنحكر، واحد النهار يجينا وزير يعاود قصتو نقولو ليه لا؟ أو سياسي يعاود لينا قصتو نقولو ليه أنت ماشي من الناس؟ ما يمكنش.
