جمال الرياضي
الله يخرج الطرح ديال اختيار المنتخب الوطني على خير. اللجنة المكلفة باختيار المدرب الجديد ديال المنتخب ما عجباتهاش الطريقة اللي قابلها بيها الزاكي ملي طالب بمناقشة العقد اللي غادي يربطو بالجامعة بدل الحديث على برنامجه للنهوض بالمنتخب.
السيد دخل واثق من راسو ومن أنه هو اللي غادي يكون المدرب الجديد ديال المنتخب. هاذ القضية خلات الزاكي في الصف الرابع في التقرير اللي غادي تقدمو اللجنة للمكتب الجامعي. كيفاش؟
في الصف الأول، وضعت اللجنة رشيد الطاوسي، مدرب المغرب الفاسي، وبعده محمد فاخر، ثم عزيز العامري، وفي الأخير بادو الزاكي! مصدر مسؤول في الجامعة أكد لـ«كيفاش» أن قضية الترتيب ماشي مهمة وأن القرار النهائي غادي ياخذوا المكتب الجامعي غدا في العشية أو الخميس في الصباح.
إيوا الله يسمعنا خبار الخير.
