كشف سمير مشور، نائب الرئيس العام لمجموعة “سامسونغ بيولوجيكس” الكورية الجنوبية، أنه لم يزر المغرب منذ سنتين، مردفا: “فاش جيت دابا ما فيه حتى حاجة ما عجباتنيش، ملي كنجي للمغرب بحال يلا كنمشي للحج، كنلقى الإنسانية، كنلقى الريحة والماكلة والثقافة اللي ما كنلقاش تماك، المغرب تبدل بزاف، البارح كنا غادين من كازا لفاس دزنا على البحر، هاديك الطريق كان فيها بزاف دالكسايد والبارح لقيتها طريق سيار وفيها النخل، المغرب تقدم بزاف”.
وردا على سؤال حول ماذا ينقص المغرب ليصبح مثل كورونا الجنوبية، قال الدكتور مشور في برنامج “بدون لغة حشب”، على ميد راديو: “ما بغيناش نرجعو بحال كورويا، لأن كورويا واخا عندها إشعاع دارتو بطريقتها، خاصنا نديرو إشعاعنا بطريقتنا، خاصنا غير الانضباط، ونديرو هاد الإشعاع بشكل جماعي تضامني هاد الشي اللي كيديرو فكورويا… المنافسة كاينة فالمغرب، ونقدرو نكون من بين أقوى الدول، ماشي غير فإفريقيا، ولكن فالعالم”.
وفي رسالته إلى الشباب المغاربة، قال نائب الرئيس العام لمجموعة “سامسونغ بيولوجيكس” الكورية الجنوبية، “حتى حاجة ما مستحيلة، وماشي ضروي تخرج من المغرب باش تنجح، خاص غير تلقى أشخاص وبنيات اللي يقدرو يعاونوك تنجح، ما تبقاوش تحلمو فيقو وتيقو فريوسكم، في هذا العالم هناك مكان لكل شخص”.
