• بعد نفاد التذاكر بالكامل.. مباراة المنتخب المغربي وبنين بشبابيك مغلقة
  • تقاداو ليهم.. كابرانات الجزائر يتجنبون استدعاء سفيرهم من لندن
  • حذره من “عواقب وخيمة”.. ترامب يؤكد انتهاء علاقته بإيلون ماسك
  • بسبب كلب.. مصرع 3 أشخاص في حادثة سير على الطريق السيار بالقرب من أزمور
  • لتعزيز التعاون.. السغروشني تجتمع بمدير العمليات بالبنك الدولي بالمغرب ومنطقة المغرب العربي ومديرة برنامج الأجندة الرقمية لـMENA
عاجل
الإثنين 07 أغسطس 2017 على الساعة 16:59

كيم كاردشيان المغربية وتاشنويت بالعربية والهمجية ديال شي دراري فطنجة والطارو ديال البيغ.. حصاد اليوتوب فالسيمانة

كيم كاردشيان المغربية وتاشنويت بالعربية والهمجية ديال شي دراري فطنجة والطارو ديال البيغ.. حصاد اليوتوب فالسيمانة


واخا جا الصيف والفيديوهات قلالو، وولّى غير التعاويد ديال داك الشي اللي داز فالعام، كاين شي فيديوهات دارو البوز وطلعو فالطوندوس ديال السيمانة فاليوتوب.
كيم كاردشيان ديال المغرب، اللي صورتها زعزعات مشاعر سكان الفايس بوك، وقالو عليها بأن المغرب فيه الزين وداك الشي، بقاو يقلبو حتى لقاو الفيديو ديالها وهي كتفتتح مدرستها. الفيديو تبارطاجا بزاف فالفايس بوك وطالع فالمراكز الأولى فاليوتوب.
عائشة تاشنويت، اللي بدلات اللوك وجات بوكوصة، دارت مليون فالسيمانة بفضل الأغنية ديالها اللي بغات تفهم الناس العربية.
الفيديو، اللي جا فالمركز الثاني فاليوتوب، هو ديال اعتداء ديال شي دراري على بنت فطنجة. الفيديو اللي خلق ضجة، وخلّى البوليس يخرج ويقول “واك واك أعباد الله راه ما كانش اعتداء”.
مغني الراب دون بيغ خرج الجديد ودار فيديو كليب فيه الميخيات، والبطل ديالو طارو ديال الزبل كيدوي فيه مع الإعلامي رشيد الإدريسي وكيشرح ليه المعاناة ديالو فالدار الكحلة، وما نساش صاحبو جواد اللي هو الطوبيس اللي كيعاني من الزحام والشفرة وتهراس الزاج.