كشف عبد الرحمان العبراق، مدير حماية الرصيد الحيواني والنباتي بالمكتب الوطني للسلامة الصحية للمنتجات الغذائية، عن الإجراءات الصحية والمراحل التي تمر منها الأبقار المستوردة قبل إخضاعها للذبح في المجازر.
وقال مدير حماية الرصيد الحيواني والنباتي بالمكتب الوطني للسلامة الصحية للمنتجات الغذائية، في تصريحات صحافية، إن “عملية استيراد الأبقار من الدول المصدرة كتخضع لمسطرة دقيقة وكتمر من مجموعة من المراحل”.
وأضاف “قبل ما كيتم استيراد هاد العجول للمملكة كيتم استيرادها من الدول اللي مرخص لها المغرب وعندو معها اتفاقيات صحية، وهاد الأبقار قبل ما كدخل لبلادنا كيتم الحجر ديالها في الدول المصدرة، وكيديرو ليها مجموعة من التحاليل وكتوقع واحد الشهادة صحية بيطرية اللي متفقين عليها مع الدول المصدرة”.
وتابع “ملي كيوصلو للمغرب، في نقط التفتيش الحدودية كتم مراقبة هاد الأبقار، ومراقبة الوثائق يعني هاد الشواهد الصحية شكون اللي موقع عليها، وكتم مراقبة الأبقار كنشوفو الترقيم واش مطابق للوثائق الصحية”، مشيرا إلى أنه “من بعد هاد المرحلة كيمشيو هاد العجول للمحاجر المرخصة من طرف المكتب باش كيتم إخضاعها للمراقبة الصحية، وكيديرو ليها كذلك مجموعة من التحاليل وملي كتخرج النتيجة مزيانة عاد كيتعطى الترخيص ديال هاد الأبقار باش تمشي تذبح فالمجازر”.
