إعداد: طارق باشلام
كازا بيض وكحل فقرة رمضانية نجوب خلالها بالصور أشهر شوارع الدار البيضاء، بحثا عن الاختلافات بين الأمس واليوم، بين الأبيض والأسود، في إطلالة مقتضبة على تطور المدينة من ميناء صغير لا يثير الانتباه في مطلع القرن العشرين إلى العاصمة الاقتصادية للمغرب.
“منارة العنق” تسمات بهاد الاسم نسبة للحيّ اللي موجودة فيه وهو حي العنق. وكتمتاز هاد المنارة الشهيرة بأنها كتطل على المحيط الأطلسي، وهي وحدة من أهم المعالم التاريخية في العاصمة الاقتصادية.
منارة العنق قريبة لشاطئ عين الذياب، وكتبعد على مسجد الحسن الثاني بحوالي كيلومتر ونصف كيلومتر، وبحوالي أربع كيلومترات عن ميناء الدار البيضاء الرئيسي.
هاد المنارة التاريخية معروفة بالعلو ديالها اللي كيفوق 160 متر، وكيرجع التاريخ ديال التشييد ديالها لسنة 1919.
واخا كانت محطة لمراقبة الحركة البحرية منذ سنة 1905 مازال هاد المنارة، اللي كتمتاز بمنظرها الرائع، وإلى اليوم كتقوم بنشاطها البحري وكتستقطب الزوار، اللي منها كيقدرو يشوفو أماكن بعيدة في المدينة، وهاد الشي اللي كيخلي المنارة ديال العنق وحدة من نقط الجذب السياحي.
