بعض رواد مواقع التواصل الاجتماعي فالمغرب رجع عندهم واحد الهوس ديال نشر أي حاجة يشوفوها مسيئة للمغرب، وبدون التحقق من ما إذا كانت صحيحة ولا لا، ولا التأكد من المصدر ديالها. كيفاش؟
آخر شائعات المغاربة على الفايس بوك هي صور ديال دجاج فيه الدود وطايب في الفرن، نشروها بعض رواد الفايس بوك، البارح الأربعاء (10 أكتوبر)، وقالوا باللي هاد الصور من شي مطعم فالمغرب.
ومن بعد انتشار هاد الصور بداو المعلقين كينتقدوا الأكل في المطاعم المغربية، وقالوا باللي أغلبها كتشكل خطر على صحة الناس.
ولكن الحقيقة هي أن هاد الصور من مطعم صيني، ونشراتها السيمانة اللي فاتت عدة صفحات صينية، وكيحذروا ناشريها من الأكل فأي بلاصة يلا ما كانتش فيها مراقبة.
