أحمد الحاضي
قال عادل تشيكيطو، البرلماني عن حزب الاستقلال، إنه لا يخجل من أنه ابن الكاريان، بل الأمر شرف له ويعتز به.
عادل، الذي حل ضيفا على برنامج «في قفص الاتهام» على ميد راديو، اليوم الجمعة (13 يونيو)، قال: «أنا ولد الكاريان وبكل الاعتزاز وبكل فخر، وكنتمنى الضحايا اللي ما ستافدوش من إعادة الإيواء، وكان بإمكاني نمشي نطلبهم يعطيوني ديك الشقة ملي طلعت للبرلمان، ولكن القناعة هي الأساس وما نديرهاش».
وبخصوص أجرته قال: «ملي طلعت للبرلمان قسمت الصالير ديالي، شوية على المهنة كبرلماني، في المساهة ديال الشبيبة والفريق والتعاون مع الجمعيات، وكيشيط لي باش نعيش أنا والأسرة ديالي باش ما يبقاش الإنسان ماد يدو». وأضاف: «المنتخب البرلماني هو الحيط القصير، وعوض ما يشوفو الصالير ديال البرلمانيين يشوفو الموظفين الكبار شحال كيشدو.. أما هاداك اللي كيقولو ليه تقاعد راه كيدفع ثمنها البرلماني خلال عمله لشركة خاصة، بلا ما الواحد يبقا يخرج إشاعات».
وكشف تشيكيطو بأن أجرته كصحافي في جريدة العلم كانت في حدود 4300 درهم، وحاليا يحصل على حوالي 36 ألف درهم من”تبرلامانيت”، على حد تعبيره.
واعتبر تشيكيطو أن السؤال، الذي طرح على الوزير محمد الوفا واستفزه، متفز حقا، وقال: «السؤال اللي تطرح على محمد الوفا ما عجبنيش وما عجبنيش الرد ديال الوفا ملي قال لبرلماني سير تـ…». وأضاف: «الوفا حتى هو كيقلي لينا السم، هو ما بغاش يلتزم بمقررات الحزب، وقال هو ماشي بيدق، واش حنا بيادق؟ واش يلا كل واحد في الحزب دار اللي فراسو غادي يتخرب الحزب.. والله يرد بالوفا».
وبخصوص قضية شقيقه، قال تشيكيطو: «الأخ ديالي من أجل حدث معين تشد بطريقة هوليودية، وقالو المخدرات وتكوين عصابة إجرامية، وقلنا ليهم فين المحجوز وفين اللي باع ليه، شوية قالو لينا السرقة الموصوفة، هو تشد في شهر 12 وهاد الشي كيرجع لشهر 8، واليوم الموالي طلقوه».
وهاجم عادل تشيكيطو منتقديه بالقول: «اللي كيقولو علي بلي كنت غير شاوش في الحزب ومتملق للكيحل ومراهق سياسي راه دافعينو شي جهات، ونزيدكم هادوك الشواش ديال حزب الاسقلال شرفاء، حنا في حزب الاستقلال ما عندناش البيادق». وأضاف: «اللي فات عليه الركب في حزب الاستقلال وعلق عليه التران كيقولو راه لائحة الشباب اللي ترشحت فيها ريع».
