• خلقوا شركات وهمية لاستغلالها في أنشطة مالية مشبوهة.. تفكيك شبكات إجرامية متخصصة في التزوير وتوقيف 15 شخصا في فاس
  • قمة المرأة بالدار البيضاء.. القيادات النسائية في قلب الابتكار والإنصاف والاستدامة لمستقبل إفريقيا
  • الدعم المباشر للسكن.. عدد الطلبات بلغ 128 ألف و528 وعدد المستفدين ناهز 48 ألف
  • برنامج “مصالحة”.. اختتام الدورة الـ16 باستفادة 21 نزيلا وانطلاق الدورة الـ17
  • الوزير برادة: تم تثبيت كاميرات مراقبة تعتمد على الذكاء الاصطناعي بمؤسسات تعليمية ويمكنها التعرف على حالات العنف
عاجل
الأربعاء 23 فبراير 2022 على الساعة 13:00

طبيب وباحث: صلاة التراويح خاصها تكون مفتوحة فشهر رمضان

طبيب وباحث: صلاة التراويح خاصها تكون مفتوحة فشهر رمضان

مع اقتراب حلول شهر رمضان، عاد النقاش مجددا حول إمكانية إقامة صلاة التراويح هذه السنة، والتي غابت عن مساجد المملكة لمدة سنتين متتاليتين، بسبب انتشار فيروس كورونا المستجد، ومنع كافة أنواع التجمعات.

الطيب حمضي، الطبيب والباحث في السياسيات والنظم الصحية، قال في تصريح لموقع “كيفاش” إنه “يجب ابتداء من نهاية الأسبوع الثاني أو الثالث من مارس ترفع الاجبارية ديال هاد الإجراءات، وصلاة التراويح تكون مفتوحة، والحياة العامة ترجع للطبيعة ديالها والتجمعات والأنشطة يكونو”، مشيرا إلى أنه “هذا ما كيعنيش ما تكونش الكمامة، ولكن تكون اختيارية ماشي إجبارية، ونصحو بها الناس اللي مراض باش يديرو احتياطات ديالهم”.

وأضاف حمضي “ابتداء من شهر مارس المقبل، خاص يكون تخفيف الإجراءات غير شوية بشوية، وفالاسبوع الثاني ولا الثالث من مارس كنظن أنه خاص ترفع جميع الاجراءات، ونكونو غادرنا موجة أوميكرون وتقدمنا فحملة التلقيح”.

وبخصوص إجبارية الكمامات، قال الطبيب المغربي إن “الكمامة ما غادي يبقى عندها حتى شي دور فالأماكن المفتوحة باش نحميو الآخرين، وفالأماكن المغلقة اللي مافيهاش تهوية، غادي يكون عندها دور فقط عند الناس اللي عندهم هشاشة صحية وأمراض مزمنة، هما اللي غادي يكونو محتاجين للكمامات، سواء فالأماكن المفتوحة أو فالأماكن المغلقة واخا تكون فيها تهوية”.

وتابع حمضي أنه “بالنسبة للأماكن المغلقة اللي ما فيهاش تهوية مزيان، هنا كيكون خطر انتقال الفيروس وغادي يخص الإنسان يكون ملقح باش يكون فيها، ويكون داير الكمامة ديالو، ويجلس فهاد الأماكن أقل وقت ممكن”.