• لشكر: اللي داير الانتخابات باش يرجع للمعارضة اللي يطليه بها… وما عنديش طموح نستمر فالكتابة الأولى للاتحاد الاشتراكي
  • لشكر: الأغلبية الحكومية تعيش تسابقا على من يقود الحكومة المقبلة… ونحن حزب لا نبحث على التموقع
  • في حوار طريف وعفوي.. مجموعة فناير تكشف كواليس غيابها وتُقيم مستوى الأغنية الشبابية (فيديو)
  • لشكر مهاجما التقدم والاشتراكية: كانوا “كيفلورتيو” مع بعض الأطراف فالأغلبية… وملتمس الرقابة تمت شيطنته
  • بعد تحطيم حفله رقما قياسيا في موازين.. تكريم راغب علامة من قبل سفير لبنان في المغرب (فيديو)
عاجل
الأحد 10 يوليو 2022 على الساعة 10:00

شمتة نهار العيد.. الحولي المصبوغ كيفضحو غسيل لبطانة! (فيديو)

شمتة نهار العيد.. الحولي المصبوغ كيفضحو غسيل لبطانة! (فيديو)

طارق باشلام

الأساليب الاحتيالية اللي اعتمدها عدد من النصابة والاستغلاليين في عيد الأضحى المبارك، ما عندهاش حد، وفاتت الإعلان الكاذب، أو الترويج لدعم وهمي،واستعمال فضلات الدواجن في تعليف الأضحية. الغش هاد المرة كيمس سلالة كاملة ديال الحولي!

آش واقع؟

فيديو انتشر على مواقع التواصل الاجتماعي، كيبيّن باللي بعض الأكباش، كاتكون ما عليها ما بيها حتى كيتبرونزا باللون الأحمر وبشكل متعمد.
شاب كيعلق على الفيديو المصور، وحداه سطل فيه شي مادة حمراء كاينة فنفس الكوري اللي فيه لحوالة “لمبرونزيين”، وكيف كانعرفو .

علاش؟

الغش اللي هضر عليه الفيديو بصباغة لبطانة، يستهدف عشاق سلالة تمحضيت المعروفة في منطقة خنيفرة وعدد من مناطق المملكة، بلونها الأحمر وشكلها المتفرد، العملية سهلة، غير تصبغ كبش العيد وتقدر تبدل ليه السلالة ديالو.

والهدف بطبيعة الحال، يتباعو الخرفان ويجيبو الثمن.

كيفاش؟

الفيديو في الكوري ديال الأكباش الحمراء اللون، قريب منها سطل عامر بالصباغة الحمرة، في إشارة إلى أن اللون ما عندو علاقة بسلالة تمحضيت، وماشي حقيقي، وباللي الغش ممكن يتفضح في أول غسلة ديال لبطانة، وهاد الواقعة ماشي جديدة، حيث كاين نصابة دارو الصباغة وحتى بقع سوداء لشي خرفان باش يبان فحال الصردي.