محمد المبارك
مقطع فيديو، مدته 50 ثانية، حطاتو الشابة زهراء الساهر، على حسابها على إنستغرام، تهنئ فيه المنتخب المغربي على التأهل إلى المونديال، وتنتقد فيه الدراري اللي كيقولو “بغاوها روسية”، وتنعتهم ب”تقاشرهم خانزين”، دار حالة.
بعد أقل من 24 ساعة، اشتعل الفايس بوك بالردود، واللي كانت فيديوهات وترولات تنتقد كثرة الماكياج والعدسات اللاصقة، وحتى طريقة حديث الشابة زهراء، وجبدوا ليها تصاور قدام بدون تعديل.
زهراء ما بقاتش ساكتة، خرجات مرة أخرى وحطات فيديو آخر كتشرح فيه باللي كانت غير ضاحكة، وأنها قصدت فقط فئة قليلة من الدراري اللي ما قاريينش وبغاوها روسية.
مع المغاربة “اللي يتكسر ما يتصلحش”، الناس بقاو شادين في كلامها الأول وبغاو اعتذار مقاد وسحب لكلامها وعاودو قالوا ليها: “فيديو مع 1 ديال الليل شنو كديري في الزنقة”.