أبدى الدولي المغربي سفيان رحيمي، المحترف في نادي العين الإماراتي، سعادته بتحقيق التأهل التاريخي إلى دور ربع نهائي أولمبياد باريس، بعد الفوز على المنتخب العراقي، يوم أمس الثلاثاء (30 يوليوز)، بثلاثية نظيفة.
وأكد رحيمي، في تصريح للموقع الرسمي للجامعة الملكية المغربية لكرة القدم، أن “الخسارة اللي كانت غير متوقعة أمام منتخب أوكرانيا خلاتنا نفيقو وقرصاتنا وخلاتنا ندخلو لمباراة العراق بجدية، واللاعبين دخلو من الدقائق الأولى وهما عازمين باش يحققو نتائج إيجابية اللي تخلينا فالصدارة”.
وعن مواجهة المنتخب الأمريكي في مباراة ربع النهائي قال رحيمي: “مباراة الربع غتكون صعبة، ولكن غنواجهو المنتخب الأمريكي كيفما واجهنا المنتخبات اللي قبل منو، دابا غنفرحو بالتأهل مع اللعابة والعائلات ديالنا، وغنبداو خدامين على مباراة الربع حيت هي اللي غتخلينا نمشيو للبوديوم”.
وتابع رحيمي “باش تأهل كمتصدر هذا إنجاز كيتحسب لجميع اللاعبين والطاقم التقني، شكرا لجميع اللاعبين على هاد المجهودات، حيت ماشي ساهل تلعب ماتش كل 48 ساعة”.
وختم نجم العين الإماراتي “مبروك على جميع مكونات المنتخب الوطني وجميع المغاربة التأهل لربع نهائي أولمبياد باريس،
مبروك على جلالة الملك محمد السادس الذكرى الـ25 من عيد العرش، وبغيت نشكر كل من ساهم في هاد الإنجاز، وبغيت إن شاء الله نزيدو نكملو فالمسار ديالنا ونحققو داك الشي اللي جينا عليه وهي الميدالية الذهبية”.
يشار إلى أن رحيمي يتصدر قائمة الهدافين خلال دورة الألعاب الأولمبية الحالية، بأربعة أهداف، ما جعله الهداف التاريخي للمنتخب الوطني في الألعاب الأولمبية برصيد 4 أهداف، متجاوزاً الرقم السابق الذي كان مسجلاً باسم أحمد فرس بـ3 أهداف في أولمبياد ميونخ 1972.
