عبر رئيس النادي المكناسي، خالد تاعرابت، عن سعادته بصعود فريقه إلى القسم الوطني الأول للبطولة الوطنية الاحترافية بعد 11 عاما من الغياب.
وأكد تاعرابت في اتصال مع موقع “كيفاش”، أن فريقه استعاد مكانته الطبيعية، مشددا على أن هذا الإنجاز جاء بعد عمل كبير.
وقال تاعرابت في تصريحه للموقع: “حنا فرحانين بهاد الإنجاز اللي قدرنا نفرحو به جماهير النادي المكناسي اللي تسناو 11 عام باش يشوفو الفريق ديالهم فالقسم الاحترافي الأول بين الكبار ويسترجع المكانة ديالو الطبيعية”.
وأضاف: “هاد الصعود ما جاش بالصدفة بالعكس كانت خدمة كبيرة، وكان برنامج عمل مسطر، واشتغلنا كل عام خطوة خطوة، وأول حاجة فرضنا الانضباط ورجعنا الهبة للفريق وكاين تسيير اللي معقلن واحترام الاختصاصات وكل واحد كيدير الخدمة ديالو يعني ما بقاش التسيب اللي كان”.
وتابع الرئيس تاعرابت أنه: “ملي كتخلي المدرب يشتغل كتلقى نتيجة حنا كمكتب مسير وفرنا ليهم جميع ظروف الاشتغال”، منوها في الوقت ذاته بالمدرب واللاعبين.
وعن الأهداف المسطرة مستقبلا، قال رئيس النادي المكناسي “حنا ما زال ما سطرنا أهداف أخرى، هاد الشي خاصنا نفكرو فيه مزيان، يلا بغينا نوصلو للهدف خاصنا نرصدو الإمكانيات ونديرو استراتيجية العمل، دابا خاص نشوفو الإكراهات والتحديات اللي كاينة، بحال الملعب خاص نحلوه وتحدي رفع المنع هادو هما الأولويات الأولى، وإن شاء الله ملي نديرو هاد الشي غادي نفكرو في أهداف أخرى”.
يشار إلى أن النادي المكناسي ضمن صعوده رسميًا إلى قسم الأضواء بعد رحلة طويلة في دروب الدرجات الدنيا، حيث نزل حتى إلى دوري الهواة في عام 2016 قبل أن يعاود الصعود تدريجيًا.
ويتصدر النادي المكناسي حاليًا ترتيب القسم الثاني برصيد 55 نقطة، متقدمًا بفارق 6 نقاط عن الدفاع الحسني الجديدي، الذي يحتل المركز الثاني.
