عبر رئيس نادي الرجاء الرياضي، أنيس محفوظ، عن سعادته وفخره بالفوز الذي حققه فريقه، يوم أمس الجمعة (25 فبراير)، على ضيفه حوريا كوناكري برسم الجولة الثالثة من دور المجموعات (ثمن النهائي) ضمن مسابقة دوري أبطال إفريقيا لكرة القدم.
وقال رئيس الفريق الأخضر في تصريح لموقع “كيفاش”، عقب المباراة المذكورة، “حنا جد سعداء الحمد لله بهاد الانتصار، انتصار مهم، انتصار ثالث على التوالي، ما يمكن لينا إلا نكونو فخورين بالأداء ديال الاعبين، وديال الطاقم التقني مشكورين على المجهودات اللي كيديرو”.
وأضاف محفوظ “ماشي من السهل أننا فالعصبة وفهاد الوضعية هادي تاخد تسع نقط على تسع نقط، يعني العلامة الكاملة، حنا جد سعداء، وإنشاء الله نتمنى نكملو المسيرة ديالنا بنتائج طيبة باش نكونو على رأس اللائحة ديال هاد المجموعة”.
وتوجه رئيس الرجاء بالشكر إلى الطاقم التقني المؤقت للفريق، قائلا “الثقة ديالنا حاليا فالطاقم التقني بقيادة سي بوشعيب المباركي والإخوان كبيرة،كيعطيو واحد المجهود جبار كنشكرهم عليه، لبوا نداء النادي ونداء القلب”.
وبخصوص موعد الإعلان عن المدرب الجديد للفريق، قال أنيس محفوظ “كاين هناك لجنة تقنية اللي كتسهر على دراسات السير الذاتية اللي كتجي للنادي، وملي يكون الاختيار التقني المكتب المديري غادي يداول فيها بناءا على المعايير التقنية والمعايير المتعلقة بشخصية المدرب القادم، ومباشرة إنشاء الله نربطو اتصال باش نحاولو ننهيو هاد الملف في أقرب آجل”.
يذكر أن الرجاء الرياضي انفصل عن المدرب البلجيكي مارك فيلموتس بعد ثلاثة أشهر فقط من التعاقد معه.
