بعد الانتقادات اللاذعة التي تعرضت لها “باربي المغرب”، المتورطة في حادثة سير راح ضحيتها طفلان في مراكش، أعلنت الفنانة المغربية خولة بنعمران، دعمها لملكة الجمال نهيلة إمقلي.
ونشرت خولة، عبر حسابها الرسمي في “السناب شات”، تدوينة كتبت فيها: “هاد الأيام اللي فاتت كلها وأنا كنشوف المشكل اللي وقع لها اللي انا كنسميه “قدر”… أنا عمري ما تكلمت ولا عطيت رأيي فشي موضوع لكن اليوم وصلني فيديو ديال هاد البنت كاتبكي وبقى فيا الحال بزاف”.
وأضافت خولة: “هاد الشي اللي كتمر به صعيب بزاف ومتتمناهش لعدوك راه ربي اللي عالم بها وبلي وقع ليها أكيد حنا كاملين بقاو فينا هادوك اللي ماتو مثل ما حتى هي بقاو فيها وكثر منك ومني وربما عمرها تنسى لكن ارحمو من في الأرض يرحمكم من في السماء راه ربي اللي كيعلم ما في القلوب ماشي العبد”.
وتابعت خولة: “راه حادثة سير بحال هادي ممكن توقع لأي واحد وماشي قتلاتهم عمدا را مكتاب ليهم يموتو بهاديك الطريقة”.
وختمت بنعمران منشورها قائلة: “حنو فخوتكم المسلمين تقاو الله فداك البنت راه اليوم ليك وغدا عليك”.
من جهتها، وجهت باربي المغرب رسالة شكر إلى خولة بنعمران عبر حسابها في التطبيق، قائلة: “شكرًا ختي خولة بنعمران”.
يذكر أن نهيلة إمقلي نشرت، أخيرا، فيديو عبر حسابها في إنستغرام، تبكي فيه بحرقة بسبب ما أصابها، مؤكدة أنها لم تتمكن بعد من تخطي هذه الأزمة، خاصة عندما تقرأ تعاليق المنتقدين والمسيئين إليها.
