كشف الإطار الوطني محمد بنشريفة، سبب تراجعه عن تدريب فريق يوسفية برشيد، خلفا للمدرب السابق محمد الكيسر.
وأكد بنشريفة في تصريح لموقع “كيفاش”، أنه “فعلا تواصلو معايا المسؤولين ديال يوسفية برشيد باش نشرف على تدريب الفريق، ولكن قلت ليهم أنا ما يمكن ليا نجي نقاد معكم الأمور حتى تكونو قاديتو مع المدرب محمد الكيسر الأمور ديالو ونشوف فسخ العقد، وقالو ليا را غادي نجلسو معاه غدا باش نفسخو معه”.
وأضاف “داك الشي اللي كان، عاودوعيطو ليا وصيفطو ليا فوطوكوبي من فسخ عقد الكيسر، صافي مشيت عندهم باش نتفقو تفاهمنا على المسائل وشنو هو المشروع ديال الفريق والأهداف المسطرة، وفالعشية كانت حصة تدريبية بغيت نمشي نشوف اللعابة حتى كنتفاجئ بالكيسر كاين تما وأنا نرجع لداري”.
وتابع “نهار الجمعة وقعوا مشاكل ديال الحافلة ومشاكل إدارية وبقاو حتى للطناش دالليل عاد قادو المسائل ديالهم على أساس باش نمشي معهم لبركان نشوف الفرقة كيف غتلعب، واخا أنا ما عندي لا صفة لا والو مدربت لا الفريق لا حتى حاجة، مشيت تفرجت مع الجمهور من الفوق، ولكن بان ليا عندهم بزاف ديال المشاكل”.
وواصل حديثه بالقول: “جيت الاثنين عيطت للكاتب العام أحمد نجمي قلت ليه يستحيل نكمل معاكم عندكم بزاف ديال المشاكل وأنا ما يمكنش ليا نبدى والمحيط ما مقادش، وقالو ليا نعطيوك مهلة حتى تفكر وحنا غنكونو معك ولكن أنا القرار ديالي كان نهائي، حيت ما يمكنش نخدم وسط المشاكل”.
وفي الختام، أشاد بنشريفة بتعامل مسؤولي يوسفية برشيد، متمنيا التوفيق للفريق في باقي مشواره بالدوري الاحترافي.
