محمد المبارك
الكروبات ديال البنات على الفايس بوك ديما عندهم الجديد. كانوا دارو الثومة للزواج، والفوطة لنفخ الشفايف، ومسكة فلاش لجلب الحبيب، ومن بعد ما هاد التجارب كلها فشلات خرّجو بلان جديد منذ بداية شهر فبراير سماوه “حملة الاستغفار” . كيفاش؟
حملة الاستغفار هادي في المبدأ قريبة جدا من “أرسل هذه الرسالة إلى 15 شخص وستسمع خبرا مفرحا”، لأن الطريقة هي كتابة منشور كتقول فيه البنت شنو بغات، وكتطلب من البنات يكتبو فالتعاليق “أستغفر الله العظيم”. وبهاد الطريقة، حسب اعتقادهم، تتحقق الأمنية، وذلك حسب عدد مرات الاستغفار اللي وصل ليه المنشور.
صاحبة الفكرة هي فتاة من هذه المجموعة قالت باللي جرباتها لغرض الزواج ونجحات ليها، وشاركات البنات هاد الفكرة وكل وحدة شنو طلبات حسب الأمنية ديالها.