أكد الناخب الوطني الأسبق، حسن مومن، أن واحد من الدوليين المغاربة سفيان رحيمي، لاعب العين الإماراتي، أو أشرف حكيمي، لاعب باريس سان جرمان، يستحق الفوز بجائزة الاتحاد الإفريقي لـ”أفضل لاعب في إفريقيا عام 2024″، مشددا على أنه إذ تم غير ذلك فسيكون ظلما كبيرا لكرة القدم الوطنية المغربية.
وقال مومن في تصريح لموقع “ميد راديو”، “تواجد رحيمي وحكيمي في قائمة الكاف شيء عادي، ولكن يلا ما توجش شي واحد من هاد الجوج اللي كانت عندهم واحد البصمة كبيرة في الألعاب الأولمبية واحتلوا المرتبة الثالثة بغض النظر على ما قدموه مع الأندية ديالهم، غادي يكون ظلم كبير لكرة القدم الوطنية”.
وأضاف أن “الفريق الوطني وهاد اللاعبين شرفو كرة القدم الإفريقية وبفضلهم أسهم اللاعب الإفريقي كترتفع، وبالتالي ضروري خا تعطى جائزة لواحد فيهم”.
وواصل مومن “يلا كان شي بلد شرف الكرة الإفريقية من 2022 فهو الفريق الوطني المغربي واللاعب المغربي، بغض النظر على شنو دار قبل 2022، وبالتالي أقل ما يمكن لينا نجازيو به هاد البلد اللي عطى الشيء الكثير هو هاد الجائزة”.
وختم حديثه بالقول “كرة القدم المغربية أثرت بشكل كبير على المستوى الإفريقي، وكنظن أنه حان الوقت باش واحد من هاد اللاعبين يتوج لأن الدور اللي كان عندهم كبير على مستوى الأندية ديالهم وحتى الفريق الوطني”.
