• في الميركاتو الصيفي.. توتر مع المدرب الجديد يدفع عمران لوزا لطلب مغادرة واتفورد
  • الفيزازي: ابن كيران يستغل القضية الفلسطينية… ولا علاقة له بالمرجعية الإسلامية! (فيديو)
  • في حال التتويج بكأس العرش.. حمد الله يوجه رسالة مؤثرة لأولمبيك آسفي ويعد اللاعبين بمكافأة خاصة
  • معبر سبتة.. إجهاض محاولة تهريب أزيد من 100 ألف قرص “ريفوتريل”
  • يشكلان موضوع أوامر دولية بإلقاء القبض صادرة عن السلطات القضائية لبلادهما.. توقيف مواطنين بريطانيين في أكادير
عاجل
الجمعة 26 أبريل 2024 على الساعة 14:00

بودريقة: المرض ديالي عاشتو معايا عائلتي… وحتى واحد ما سوقو إمتا غنرجع للمغرب

بودريقة: المرض ديالي عاشتو معايا عائلتي… وحتى واحد ما سوقو إمتا غنرجع للمغرب

 

رد محمد بودريقة، رئيس فريق الرجاء الرياضي، المتواجد حاليا في لندن منذ أشهر، عن الأخبار المتداولة حول “هروبه” من المغرب.

وأكد بودريقة في خرجته الإعلامية على قناة “شوف تيفي”، يوم أمس الخميس (25 أبريل)، أنه تفاجأ بالأخبار المنتشرة على مواقع التواصل الاجتماعي والتي تفيد بأنه غادر أرض الوطن “هروبا من القضاء”، قائلا “أنا المرض ديالي عاشتو معايا العائلة ديالي، وتفاجأت بالأخبار اللي كتروج، غير ولدي عندو 12 عام نشر الصورة ديالي من داخل الكلينيك أنا اللي كنت رسلتها ليه، وملي سولتو قال ليا بابا راه الناس كيقولو ما كيقولو”.

وأضاف “صراحة هاد الشي مؤسف، راني إنسان واش الإنسان ما كيتعرضش للمرض؟، ولكن هاد الشي نقدرو ندخلوه في أعداء النجاح، غير بغيت نقول ليهم بلي أنا كمحمد بودريقة راني مولف هاد الشي ودوزت حروبات، راه المشكل كيبقى غير فالعائلة والوليدات اشنو تقول ليهم”.

وتابع “هاد الضغوطات اللي عشت صراحة كتعيى تقلب ليه على تفسيرات ما كتلقاش، أنا الواليدة ديالي جات جلسات معايا 25 يوم ما حيلتها ليا أنا اللي مريض ولالداك الشي اللي كيتكتب”.

وعن موعد عودته إلى المغرب، أكد محمد بودريقة أن هذا يخصه وعائلته، قائلا “حتى واحد ما سوقو، هاد الشي كيخصني أنا وعائلتي وولادي”.

وواصل “أنا اللي كيقولو را عندك مسؤوليات وكذا، بغيت نقول ليهم را الصحة ما عندها ثمن، خصوصا في شي أمراض اللي ما تقدرش تعرفها، أنا الضغط عشت معه 19 على 12، هاد الشي كيسموه الموت البطيء، ولكن الناس ما كتعرفش هاد الشي كتشوف غير المظاهر”.