وجه مدرب نهضة الزمامرة محمد أمين بنهاشم، رسالة إلى رؤساء الأندية، من أجل منح ثقة أكبر للمدربين للإبداع، مشددا على أن خوفهم من النتائج يجعلهم يلجأون دائما إلى اللعب المباشر.
وتحدث بنهاشم، خلال الندوة الصحافية التي أعقبت المباراة التي جمعت نهضة الزمامرة بنهضة بركان، يوم أمس الأحد (16 فبراير)، عن الثقة التي وضعها فيه رئيس الفريق وبسببها يتواجد الفريق اليوم في المراكز الأولى في ترتيب البطولة الوطنية الاحترافية.
وقال بنهاشم: “اللي كيهمني أكثر هي الكلمة اللي قال لي الرئيس فاللول، قال لي أنا بغيت فرقة كتلعب الكرة. الثقة باش أنا كمدرب نديرها في لاعب شاب خاص الرئيس يكون تايق فيا، حيت ملي كيجي عندك الرئيس وكيقول ليك أنا ما كتهمنيش النتائج أنا بغيت فريق اللي يلعب الكرة، كتولي خدام مرتاح وكتبدع”.
وأضاف بنهاشم: “الرئيس قال لي حرفيا: أنا ما عمرني جريت على شي مدرب بسبب النتائج. لما كنفسخ عقد مع المدرب كيكون على أساس الأداء، أنا خاصني فريق يقدم عرض جيد”، مشيرا إلى أنه “أنا هنا الرئيس عاطيني هاد الثقة وأنا أوتوماتيكيا كنعطيها للشباب ولكن خاص يكونو لاعبين اللي كيستحقو”.
وفي رسالته إلى رؤساء الأندية، قال مدرب نهضة الزمامرة: “خليو المدربين يخدمو وعاونوهم وما تحاسبوهمش على النتائج. فعلا النتائج مهمة في بعض الحالات، ولكن خليو شوية فين المدرب يبدع”.
وتابع بنهاشم: “را عندنا مدربين عندهم أفكار وباغين يطبقوها ولكن راه متابع بالنتيجة. ويلا ما حققش النتيجة غادي يمشي فحالو، هاد الشي علاش كيخاف وباش ما يمشي كيضطر يلجأ للعب المباشر”.
وختم حديثه بالقول: “لازم على الرؤساء يعطيو صلاحيات أكثر للمدربين ويتيقو فيهم”.
يشار إلى أن نهضة الزمامرة يحتل المركز الرابع في ترتيب البطولة الوطنية الاحترافية برصيد 37 نقطة.