أحمد الحاضي
كشفت الممثلة بشرى أهريش أنها حاصلة على دكتوراه في التسيير والتدبير الثقافي، إضافة إلى تكوينها الفني.
بشرى أهريش، التي كانت ضيفة حلقة خاصة من برنامج “في قفص الاتهام”، على هامش المهرجان الدولي للفيلم في مراكش، اليوم الجمعة (11 دجنبر)، على ميدراديو، نفت أن تكون موظفة شبحا في وزارة الثقافة، وقالت: “حنا فنانين قبل ما نكونو موظفين وأنا ماشي موظفة شبح وكنحلل الخدمة ديالي، خاص الفنانة يكونو قاريين ويخدمو في وزارة الثقافة، على داك الطبيب ملي كيتخرج ما كيخدمش في وزارة الصحة؟ وهاد التهمة اللي كتوجه للفنانين راه حيت هوما كيبانو بزاف في الشاشة”.
وكشفت الفنانة أنها تستثمر في عدة مجالات، قائلة: “عندي صالون ديال الحلاقة درتو لختي وسناك لخويا، وهادي أمور عادية وعائلية.. وتبعتونا بالعين حتى درنا فاييت، أنا مولت خويا حتى مشاو الفليسات اللي درناهم”.
وأكدت أهريش أن الفنان يؤدي الضرائب للدولة، قائلة: “حنا أول وحدين كنخلصو الضرائب، والخلاص كيكون على حساب الدور والشركة، والكاشي كيتقيم على حساب الدور، والتمثيل فيه الفلوس، والمهنة اللي ما تعيشنيش ما نمشيش ليها وعايشة قايدة في البلاد”.
كما تطرقت أهريش إلى مغامرتها في الانتخابات الأخيرة، وأضافت: “ولى عندي انتماء سياسي وبغينا ولا كرهنا أنا مواطنة كنعرف شنو كيطرا فبلادي، وبغض النظر عن لوني السياسي هادا شكل نضالي، واللي فرض علي الحزب هو المحيط اللي كنعيش فيه، وطلبوني باش ترشح”.
وأوضحت الفنانة انها صدمت خلال الحملة الانتخابية التي قادتها في مدينة سلا، وقالت: “كنت كنعرف غير المغرب اللي كنمشيو نصورو فيها الأفلام ونقدمو فيه عروض، أول مرة نشوف المغرب ديال الانتخابات وشراء الأصوات”.
أما عن أدوارها فقالت: “علاش غادي نتستهلك؟ وعمركم ما تحلمو أنني غادي نتقاعد، وغادي نبقى نمثل، ومازال ما عطيت حتى 20 في المائة من داك الشي اللي كنعرف ندير.. وكيحصل لي الشرف أنني نمثل ديك المرأة البسيطة مع عبد الله فركوس”.
