• وزير فرنسي: الملتقى الدولي للفلاحة بالمغرب مناسبة لتعميق العلاقات “الغنية أصلا” مع الرباط
  • من قلب “السيام”.. المحافظة العقارية حاضرة لتبسيط المساطر وتقريب الخدمة من المواطنين (فيديو)
  • لقجع يحفز لاعبي منتخب أقل من 20 سنة: يجب أن تلعبوا على اللقب وليس فقط من أجل الظهور
  • وزير فرنسي: الملتقى الدولي للفلاحة بالمغرب مناسبة لتعميق العلاقات “الغنية أصلا” مع الرباط
  • إدارة سجن زايو: انتشار الصراصير داخل الزنازين ادعاء كاذب… وسنتقدم بشكاية ضد ناشري هذه الأخبار الكاذبة
عاجل
الجمعة 08 سبتمبر 2017 على الساعة 18:41

بسبب “جمعية محبي محمد السادس”.. شعلات بين سفيان البحري ومهدي بنكيران!

بسبب “جمعية محبي محمد السادس”.. شعلات بين سفيان البحري ومهدي بنكيران!

سفيان البحري، المشرف على صفحة “محمد السادس” على موقع فايس بوك، دخل طول وعرض فمهدي بنكيران، اللي كيقول باللي عندو شي جمعية سميتها “محبي الملك محمد السادس”. كيفاش؟
سفيان البحري قال، فواحد التدوينة، باللي ما كاينة حتى شي جمعية عندها هاد السمية ديال “محبي الملك محمد السادس”. وقال أيضا: “إن صادفتم وجود اسم لجمعية بهذا الاسم أو غيره فاعلموا أنها مجرد كذبة أو تحايل من أصحابها”.
هاد الجمعية هي اللي كيقول مهدي بنكيران راه دايرها. بنكيران اللي حتى مرة مرة كينشر تصيورات ديال الملك والأسرة الملكية، واللي فالغالب كيخدها غير من الأنترنت، وكيدير فيها سميتو، زعما راها حصرية.
ومن غير التصاور ديال الملك، مهدي بن كيران كان كيقدم راسو في الأنستغرام على أنه “خبير في الأسر الملكية”، قبل ما يكثر عليها اللغا ويحيدها. وفي تطبيق “true caller” داير اسم “المهدي البروتوكول الملكي”.
ولحد الآن ما معروفش واش هاد الجمعية ديال “محبي الملك محمد السادس” كاينة بصح وبوراقها، ولا غير حتى هي زادها بنكيران لهاد الألقاب كاملين.