محمد المبارك
قبل ثلاثة أسابيع، مغني برازيلي “mc dando” طلق أغنية عنوانها “vem dancando”، يعني
“تعالوا نرقص”، واللي فيها مقطع من آية قرانية بصوت أحد المقرئين كتعاود مع اللازمة.
هاد الشي حرك حفيظة الفايسبوكيين في المغرب، واللي جاهم هاد الشي استهزاء بالقرآن ودارو حملة سينيال على الأغنية باش تحيد من يوتوب، وفعلا حايدوها، ولكن رجعات من جديد.
هادي ماشي أول مرة كيستعمل شي واحد آيات قرآنية في الأغاني، حيث سبقوهم الكوريين وحتى في أندونيسيا.
