أشاد بدر بانون، لاعب نادي قطر القطري، برئيس الرجاء الجديد عزيز البدراوي، مؤكدا أن مكونات الفريق الأخضر استبشرت خيرا بقدومه خلفا للرئيس السابق أنيس محفوظ.
وقال بانون في تصريح لقناة “بيين سبورت” القطرية، إن البدراوي “الحمد لله أنا كأي رجاوي استبشرنا خير بقدوم رئيس جديد واللي كان دائما في تواصل مباشر مع الجمهور، وهاد الشي اللي ما بقيناش شفناه في السنوات الأخيرة في فريق الرجاء البيضاوي”.
وأضاف بانون أن “الرئيس الجديد دار انتدابات اللي مزيانة واللي تقدر تفيد الفريق، جاب مدرب كبير ولاعبين في المستوى، وكنتمنى إن شاء الله اللاعبين هاد الموسم يكونو خداو الموسم الماضي كدرس”.
وتابع اللاعب الرجاوي السابق “أنا لعبت في فريق الرجاء من 2017 حتى 2020 وما خرجناش شي عام بلا لقب، ولكن الموسم اللي فات وقع هاد الشي، وكنتمنى إن شاء الله تكون آخر سنة يوقع فيها هاد الشي”.
“أنا عندي كل اليقين في الرئيس الجديد والمسؤولين الجداد والمدرب واللاعبين، وبغيت نقول ليهم يحاولو يكونو مجموعة وحدة وديما يخليو مصلحة النادي فوق كلشي، ويكونو عارفين أن وراهم ملايين ديال الناس اللي كيبغيو فريق الرجاء”.
وختم حديثه بالقول “كنتمنى ليهم كل الخير من قلبي وكنتمنى واحد النهار نشوف الرجاء كيف بغيت”.
يذكر أن بانون انتقل إلى قطر القطري مقابل 1.7 مليون دولار قادما من نادي الأهلي المصري، قبل إعلان شفائه التام من تداعيات فيروس كورونا، بعدما عانى لأشهر من التهاب في عضلة القلب.
