محمد مبارك
الفايس بوك ولّى واجهة كل واحد آش كيدير فيها. كيفاش؟.
في 30 يوليوز الماضي، تم فتح صفحة “سعاد المغربية” على الفايس بوك، وحتى واحد ما تسوّق ليها ولاّ داها فيها، إلى غاية البارح الأربعاء (4 أكتوبر)، ملي حطّو المشرفين على الصفحة منشور مفاده أنها (الصفحة) تنظم “خلية للدعارة المقننة”.
ارتفع عدد المتابعين من 500 إلى أزيد من 7000 في وقت وجيز.
منشور واحد فقط هو محتوى الصفحة، ولكن يلخص كل أهداف الصفحة. وفاش تدخل لعندها وتصيفط رسالة كيجيك جواب تلقائي، فيه الأثمنة حسب الأعمار ديال البنات.
الزبون كيقول شحال عندو في السن والمدينة اللي فيها، واليوم اللي بغا يقضي فيه الغرض ونوع البنت اللي بغا، وبعد ذلك يتوصل بالعديد من الصور وهو يختار البنت اللي عجباتو بحال شي معرض.
هاد الثمن هو مقابل 4 ساعات من “المتعة”، وطريقة الأداء هي أنه من بعد ما يتوصل “الزبون” بالصور يختار البنت، ويرسل نصف المبلغ للأدمينة، ومن بعد كيشدو الرقم ويديرو خط ثلاثي مع البنت اللي عجبات “الزبون”، وفاش تجي عندو يعطيها نص المبلغ المتبقي في يديها.
النكتة هي أن الأدمينة كتقول للزبون: “الله يسخر”.
