• لقاء الأجيال في قلب المعسكر.. تكريم رسمي مميز لأسود الأطلس السابقين (صور)
  • بفضل دعم الجامعة الملكية لكرة القدم.. لبؤات الأطلس أبرز المرشحات للتتويج بكأس إفريقيا
  • هرّس باب دائرة أمنية .. الأمن يوقف مهاجرا غير نظامي في حالة تخدير في المحمدية
  • مصالح الأمن الوطني.. تعيينات جديدة في مناصب المسؤولية
  • مآسي “التريبورتور”.. مقتل 7 أشخاص في حادث خطير نواحي قلعة السراغنة
عاجل
الثلاثاء 27 ديسمبر 2016 على الساعة 11:32

المحلل نجيكم نيشان يكتب عن البلوكاج والديبلوكاج: التشيار السياسي!!

المحلل نجيكم نيشان يكتب عن البلوكاج والديبلوكاج: التشيار السياسي!!

بقلم: نجيكم نيشان
سمحو ليا على هاد الغيبة، ولكن راه ما كيليقش لي البلوكاج السياسي، كيعجبني غير الديبلوكاج، وشد ليا نقطع ليك والبوليميك، داك الشي علاش خديت كونجي هاد ليام حتى فك الله سراح المشاورات الحكومية.
النهار الأول بعد الكونجي لقيت شباط محيح، تيرا في موريتانيا وتيرا في وزارة الخارجية وتيرا في أخنوش وتيرا في العماري، بقات ليه قرطاسة وحدة الله يحفظ فين غادي يتيريها.
لقيت تاني أخنوش ولّى من الحرايفية ديال السياسية، ولاعب طويل مع ابن كيران، وكيتفاوض من موقع قوة واخا عندو 37 صوت، غير هو مازال ما حاملش شباط يدخل معاه للحكومة.
اللي مهني راسو هو نبيل بنعبد الله، ضْمن التحالف مع ابن كيران ومشا ضربها بسكتة كيتصنط لعظامو بينما سالات هاد الحرب، السيد خايف تجي فيه شي دقة.
إدريس لشكر حتى هو دخل سوق راسو، حاول في الأول يبين أنه لعاب خطير، ولكن التقل السياسي ديالو ما سمحش ليه يراوغ.